បរទេស៖ ក្រោយផ្លាស់មកលេងឲ្យក្លិប Borussia Dortmund នៅលីកកំពូល Bundesliga កាលពីឆ្នាំ២០២០កន្លងមក ខ្សែប្រយុទ្ធវ័យ២០ឆ្នាំ Erling Haaland បានធ្វើព្យុះ ធ្វើភ្លៀងយ៉ាងខ្លាំង ពោលនៅក្នុងរដូវកាលនេះរូបគេរកបានដល់ទៅ៣៣គ្រាប់ ក្នុងការបង្ហាញខ្លួន៣៥ប្រកួតឲ្យក្លិបអាល្លឺម៉ង់មួយនេះ។ 

Erling Haaland

ស្របពេលជាមួយគ្នានេះដែរមានក្លិបធំៗជាច្រើនកំពុងតែតាមប្រជែងផ្ទេរយករូបគេពី Dortmund នៅទីផ្សារដោះដូររដូវក្ដៅខាងមុខនេះ ក្នុងនោះក្លិបយក្សអេស៉្បាញទាំងពីរគឺ Real Madrid និង Barcelona ក៏ជាបេក្ខភាពដែលចង់ទិញយក​ Haaland ទៅរួមក្រុមផងដែរ។ យ៉ាងណាមិញក្រៅពីតម្លៃខ្លួនថ្លៃហើយ (ប្រមាណ១១០លានអឺរ៉ូ) កីឡាកររូបនេះក៏ទាមទារប្រាក់ពលកម្មថ្លៃផងដែរពោលប្រមាណ៣៥លានអឺរ៉ូ (ឬ៤២លានដុល្លារ) ឯណោះក្នុង១រដូវកាល។ ដោយសារតែហេតុផលនេះហើយ អាចនឹងធ្វើឲ្យ Real Madrid និង Barcelona​ បង្ខំចិត្តដកខ្លួនចេញ ដោយសារតែក្លិបទាំងពីរនេះកំពុងតែជួបវិបត្តិហិរញ្ញវត្ថុធ្ងន់ធ្ងរ មិនអាចទ្រាំទ្រនឹងការចំណាយដ៏ច្រើនបែបនេះនោះទេ៕

Erling Haaland

ប្រភព៖: goal

បើមានព័ត៌មានបន្ថែម ឬ បកស្រាយសូមទាក់ទង (1) លេខទូរស័ព្ទ 098282890 (៨-១១ព្រឹក & ១-៥ល្ងាច) (2) អ៊ីម៉ែល [email protected] (3) LINE, VIBER: 098282890 (4) តាមរយៈទំព័រហ្វេសប៊ុកខ្មែរឡូត https://www.facebook.com/khmerload

ចូលចិត្តផ្នែក កីទ្បា និងចង់ធ្វើការជាមួយខ្មែរឡូតក្នុងផ្នែកនេះ សូមផ្ញើ CV មក [email protected]

ចង់ក្លាយជាអ្នកសរសេរក្រៅម៉ោងមានប្រាក់ចំណូលសូមចុះឈ្មោះទីនេះ