ភ្នំពេញ៖ បន្ទាប់ពីតារាចម្រៀងសំនៀងផ្អែមស្រទន់ប្រចាំផលិតកម្មរស្មីហង្សមាស សុគន្ធ និសា បានជាសះស្បើយពីជំងឺកូវីដ-១៩ និងបានបន្តការធ្វើចត្តាឡីស័កចំនួន ១៤ ថ្ងៃនៅក្នុងផ្ទះក្នុងបន្ទប់ដាច់ដោយឡែករួចមក គឺដើម្បីបញ្ជាក់ថា នាងពិតជាបានជាសះស្បើយពីជំងឺកូវីត-១៩ ពិតប្រាកដមែន។
ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័សតួយ៉ាង នៅមុននេះបន្តិចស្រាប់តែ សុគន្ធ និសា បានបង្ហោះវីដេអូខ្លីៗតាមរយៈ Story ក្នុងគណនី Instagram ផ្ទាល់របស់នាងដោយបាននិយាយថា ពេលនេះនាងបានធ្វើដំណើរមកដល់ប្រទេសកូរ៉េហើយ រង់ចាំប្តូរជើងយន្តហោះបន្តទៅកាន់ប្រទេសអាមេរិកដោយសារករណីចាំបាច់។
ទន្ទឹមនឹងនេះផងដែរ តារាចម្រៀងស្រីរូបនេះក៏មិនបានធ្វើការបញ្ជាក់អ្វីឲ្យច្បាស់ដែរ គឺនាងគ្រាន់តែនិយាយថា បែកគ្នាមួយរយៈពេលសិន ប៉ុន្តែមិនហ៊ានសន្យាថាពេលណានឹងត្រឡប់មកកាន់ប្រទេសកម្ពុជាវិញឡើយ សង្ឃឹមថានឹងបានជួបអ្នករាល់គ្នាឆាប់ៗនេះ៕
ចង់ជ្រាបច្បាស់ សូមទស្សនារូបភាពខាងក្រោមនេះ ៖