បើសង្សាររបស់អ្នកចាប់ផ្ដើមលេងចរិកដូចខាងក្រោមនេះ អ្នកគួរដោះដៃដាក់មេផាយឲ្យហើយទៅ បើនៅយូរច្បាស់ជាឈឺចាប់ដោយសារបុរសនោះមិនខានឡើយ។
ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័ស១. ដៃរហ័ស ចិត្តហ៊ាន បំពានមិនគិតលើរាងកាយអ្នក
ក្រៅពីស្វាមីរបស់អ្នកបុរសដទៃពុំគួរមានសិទ្ធមកបំពានលើរាងកាយរបស់អ្នកនោះទេ។ គេគ្រាន់តែជាពួកកេងចំណេញ ខ្សែលើ ឬរាប់ជាជំពូកមនុស្សអាត្មានិយម។ គេអាចគ្រាន់តែយកអ្នកលេងសើច កំដរការអផ្សុក ឬបំពេញចំណង់របស់គេ។ បើអ្នកជួបមនុស្សប្រុសប្រភេទនេះ គួរដាក់មេផាយឲ្យហើយទៅ។
២. រវល់ជាងគេលើលោក
ប្រាប់អ្នកថារវល់ តែធាតុពិតក៏មានរវល់ឯណាគាត់ដោះសារសោះ។ អ្នកណាក៏រវល់ដែរ តែដៃគូគ្រប់រូបគួរមានពេលវេលាបន្តិចបន្តួចឲ្យគ្នា ដើម្បីសាងភាពផ្អែមល្ហែមដល់ស្នេហា។ ការងារអ្វីក៏រវល់ម្ល៉េះ ឆ្លៀតពេលបន្តិចមិនបានទេឬ បែបនេះ គាត់មិនខុសពីអាត្មានិយមពេកទេ ព្រោះគាត់ធ្វើសម្រាប់តែតម្រូវការខ្លួនឯង។
៣. កុហកឥតល្ហែ
ភូតច្រើនចាញ់អាត្មា។ កហុកគេម្ដងកាលមិនអីទេ តែបែបញយដងពេកគេប្រហែលជាឆ្អែតចិត្តដែលហើយ។ រឿងខ្លះអាចថាជារឿងឯកជនតែអ្នកគួរបើកបង្ហាញទៅដៃគូជៀសវាងកើតរឿងយល់ច្រលំ រឿងតូចអាចក្លាយជារឿងធំដោយសារពាក្យសម្ដីមុសារបស់អ្នក។
៤. លាក់រឿងគ្រប់យ៉ាង
ហើយលាក់អីលាក់យ៉ាងហ្នឹង? សូម្បីតែឈ្មោះពិត ថ្ងៃកំណើតខ្លួនឯងក៏លាក់ដែរ។ មនុស្សស្រលាញ់គ្នា គួរតែចែករំលែករឿងរ៉ាវខ្លះៗឲ្យដៃគូបានដឹង ប៉ុន្តែគាត់វិញលាក់គ្រប់យ៉ាង ដូចអ្នកដទៃទៅវិញ។ មនុស្សប្រុសបើលាក់គ្រប់រឿងបែបនេះ អ្នកក៏មិនចាំបាច់ដឹងដឹងដែរ ព្រោះគ្មានប្រយោជន៍អ្វីឡើយ។ បើនៅបន្តហាក់គ្មានន័យ និយាយឲ្យខ្លះគាត់មិនទុកចិត្តអ្នក៕
Bong I.T