កូរ៉េខាងត្បូង៖ Taeyeon ដែលជាតារាចម្រៀងទោលក៏ដូចជាមេក្រុមរបស់ក្រុមចម្រៀងនារីតំណាងជាតិ Girls' Generation ត្រូវបានអ្នកធ្វើការជាមួយនាងម្នាក់បានបង្ហើបពីទឹកចិត្តសប្បុរសធម៌របស់នាងកំឡុងពេលមានការប្រគុំតន្ត្រីរបស់នាងផ្ទាល់។
ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័សកាលពីថ្មីៗនេះផងដែរមានអ្នករាំម្នាក់បាននិយាយលើកឡើងអំពី Taeyeon កំឡុងពេលធ្វើការជាមួយគ្នា ដោយអ្នករាំម្នាក់បាននិយាយរៀបរាប់ថា ក្នុងនាមជាអ្នករាំអមម្នាក់ ពួកយើងមិនដែលបានទទួលបាននូវឧបករណ៍បំពងសម្លេងដាក់នៅត្រចៀកនោះទេ ដោយជារឿយៗពួកយើងបានត្រឹមតែស្តាប់តាមបទចម្រៀងដែលបានចាក់ ហើយនឹងរាំតាមចង្វាក់ភ្លេងតែប៉ុណ្ណោះ ប៉ុន្តែក្រោយពីបានធ្វើការជាមួយ Taeyeon ពួកយើងក៏ទទួលបានឧបករណ៍បំពងសម្លេងនេះគ្រប់ៗគ្នា ដែលធ្វើអោយយើងមានភាពងាយស្រួលជាងមុនក្នុងការយកចិត្តទុកដាក់រាំជាងមុន។
អ្នករាំរបស់ Taeyeon ម្នាក់នោះក៏បានបន្ថែមទៀតថា បន្ទាប់ពីបានឧបករណ៍សម្លេងនេះហើយ គេក៏បានលួចសរសើរពីទឹកដមសម្លេងរបស់ Taeyeon ផងដែរនៅពេលដែលកំពុងហាត់សម ដែលធ្វើអោយនាងរញ្ជួលចិត្តរហូតដល់មិនអាចទប់ទឹកភ្នែកបាន៕
សូមទស្សនារូបភាពខាងក្រោម៖
ប្រភព៖ SBS STAR