ពិតអត់ស្រីៗគ្នាយើង? ដែលគេនិយាយ ថាចេះធ្វេីម្ហូប អាចចងចិត្តប្តីជាប់​​ មិនឲ្យមានស្រីបាន?

ជីវិត: ជាការពិតណាស់ ជីវិតគូរមួយដែលអាចមានសុភមង្គល និងពោរពេញទៅដោយសេចក្តីស្រលាញ់ទៅបានអាស្រ័យលើបុគ្គលទាំងសង ខាង ពោលគឺទាំងស្វាមីនិងភរិយាចេះយោគយល់គ្នា អត់ឱនឲ្យគ្នា និងមានភក្តីភាពភាពរវាងគ្នាទៅវិញទៅមក។ ប៉ុន្តែផ្តើមចេញពីការស្រលាញ់ និងអត់ឱនឲ្យគ្នា អ្វីដែលពិសេស និងភរិយាគួរមានគុណសម្បត្តិមួយនោះគឺការចេះធ្វើម្ហូប។ ការដែលភរិយាចេះធ្វើម្ហូបឆ្ងាញ់ពិសា នោះនឹងធ្វើឲ្យ:

១.ស្វាមីស្រលាញ់ខ្លាំងជាងមុន

ពិតណាស់ មនុស្សប្រុសនឹងកាន់តែបាក់ចិត្តស្រលាញ់ទីលើភរិយាខ្លាំង នៅពេលដែលភរិយាចេះធ្វើម្ហូប ព្រោះវានឹងធ្វើឲ្យស្វាមី កាន់តែមានមោទនភាពទៅលើភរិយាចំពោះទឹកដៃ និងភាពប៉ិនប្រសប់ក្នុងការយកចិត្តប្តី តាមរយ:ថ្វីដៃធ្វើម្ហូបរបស់ខ្លួន។

២.កាត់ចិត្តពីប្រពន្ធមិនរួច

កាលប្រសិនណាជាភរិយា ឬប្រពន្ធចេះចម្អិនម្ហូបមានរសជាតិឆ្ងាញ់ ស្វាមីពិតណាស់ជាបាយក្រៅមិនសូវត្រូវមាត់ នឹកឡើងគិតដល់ភរិយា និងចង់ត្រលប់ទៅផ្ទះភ្លាម ពីព្រោះនឹករលឹកដល់ស្នាដៃនៃការធ្វើម្ហូបដ៏ឆ្ងាញ់គ្មានពីរ ហើយដែលអាហារដែលចម្អិនខាងក្រៅមិនអាចប្រៀបស្មើបានឡើយ។

៣.បង្កើនសុភមង្គលក្នុងគ្រួសារ

ដូចពាក្យចាស់លោកថា ឃ្លាតកាយណាយចិត្ត តែបើនៅជាប់ជិតស្អិតដូចស្ករ។ពិតណាស់ កាលដែលស្វាមីតែងតែមកពិសាបាយនៅផ្ទះ មិនសូវចេញទៅបាយក្រៅ ដោយសារតែប្រពន្ធជាស្រ្តីបុិនប្រសប់ ខាងធ្វើម្ហូបនេះ វាក៏ជាផ្នែកមួយដែលជួយធ្វើឲ្យគ្រួសារកាន់តែមានសុភមង្គលឡើង ជាពិសេសវាក៏នឹងធ្វើឲ្យគូស្វាមីភរិយា កាន់តែយល់ចិត្តគ្នា និងអាចបង្កើតគ្រួសារមួយដ៏មានសុភមង្គលផងដែរ។

៤.ស្វាមី មានមោទនភាពជានិច្ចលើភរិយា

នៅពេលចេញទៅណាមកណា ស្វាមីនឹងសរសើរភរិយាមិនដាច់ពីមាត់ប្រសិនបើភរិយាចេះធ្វើម្ហូបដ៏ឆ្ងាញ់។ការចេះធ្វើម្ហូបក៏នឹងជួយឲ្យអ្នកកាន់តែមានចំណែកកាន់តែច្រើនក្នុងផ្នត់គំនិតស្វាមីអ្នក ដែលគាត់នឹងគិតថាគ្មានស្រីឯណាស្មើនឹងភរិយារបស់គាត់ដែលជានារីគ្រប់លក្ខណ៍នឹងមានទេពកោសល្យធ្វើម្ហូបយ៉ាងស្ទាត់ជំនាញនោះឡើយ៕