បរទេស៖ យោងសារព័ត៌មាន The Athletic បានឱ្យដឹងថា ក្លឹបអ្នកមានបារាំង Paris Saint-Germain បានត្រៀមខ្លួនរួចរាល់ក្នុងការដាក់ដេញថ្លៃខ្សែប្រយុទ្ធស្លាបរបស់ក្រុមជម្រើសជាតិអង់គ្លេស និងកំពុងលេងនៅក្លឹប Borussia Dortmund គឺកីឡាករ Jadon Sancho ប្រសិនបើ កីឡាករ Kylian Mbappe មិនព្រមបន្តកុងត្រាថ្មីនៅទឹកដី Parc des Princes។
ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័សPSG កំពុងតែព្យាយាមលួងលោម Mbappe ដើម្បីឱ្យបន្តកុងត្រាថ្មីដែលមានលក្ខខណ្ឌដ៏ល្អបំផុតមួយ ប៉ុន្តែប្រសិនណាការចរចាមិនទទួលបានលទ្ធផលជាផ្លែផ្កានោះទេ ក្លឹប PSG នឹងសម្រេចចិត្តលក់រូបគេតែម្តង ជៀសវាងការចាកចេញដោយមិនមានតម្លៃខ្លួននៅមុនបំណាច់រដូវកាល ២០២២។
កីឡាករ Jadon Sancho វ័យ ២១ឆ្នាំ គឺជាជម្រើសដ៏សាកសមសម្រាប់ PSG ក្នុងការនាំយកមកជំនួសកន្លែងរបស់ Mbappe ស្របពេលដែលក្លឹប Borussia Dortmund ក៏បើកភ្លើងខៀវក្នុងការទទួលពិនិត្យសំណើដ៏សមរម្យណាមួយដូចគ្នា ស្របពេលដែល Sancho បច្ចុប្បន្ននេះមានតម្លៃខ្លួនប្រមាណ ១០០លានអឺរ៉ូ។
រដូវកាលនេះ Sancho បានបង្ហាញខ្លួនយ៉ាងល្អ ដោយអាចរកបាន ១២គ្រាប់ និងបញ្ជូនបាល់បាន ១៦គ្រាប់ផងដែរ ក្នុង ៣១ប្រកួតឱ្យក្លឹបជើងខ្លាំងរបស់អាល្លឺម៉ង់មួយនេះ៕
ប្រភព៖ Goal