អឺរ៉ុប៖ អ្នកចាត់ការក្រុមតោខៀវ Chelsea លោក Thomas Tuchel ជឿជាក់ថា ក្រុមរបស់លោកមានលទ្ធភាពគ្រប់គ្រាន់ហើយ សម្រាប់ការឈ្នះពានរង្វាន់ UEFA Champions League រដូវកាលនេះ។
ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័ស
Chelsea កំពុងនាំមុខ Porto ដោយបានយកឈ្នះក្លិបគីឡូធ្ងន់នៅលីគព័រទុយកាល់មួយនេះ ២-០ កាលពីវគ្គ៨ក្រុមជើងទី១ ដែលលទ្ធផលនេះ បានធ្វើឲ្យលោក Tuchel មានសង្ឃឹមច្រើនក្នុងការឡើងទៅវគ្គបន្ទាប់ ក៏ដូចជាការស្រវាយកពាន។
គ្រូបង្វឹកសញ្ជាតិអាល្លឺម៉ង់បានថ្លែងកាលពីថ្ងៃច័ន្ទកន្លងទៅថា៖
ខ្ញុំបានមកទីនេះដើម្បីឈ្នះពានរង្វាន់។ ខ្ញុំមកទីនេះដើម្បីឈ្នះការប្រកួត ហើយនេះគឺជាអ្វីដែលខ្ញុំបានប្រាប់ខ្លួនឯង។ វាដល់ពេលហើយ ដែលពួកយើងអាចនិយាយពីរឿងពាន មួយម៉ោងហើយមួយម៉ោងទៀតក៏បាន។ ថ្ងៃស្អែកពួកយើងនឹងត្រូវលេង (ទល់ Porto) ហើយវាគ្មានការប្រកួតណាលំបាកដូចការប្រកួតបន្ទាប់នេះទេ។ អ្នកនឹងមិនអាចស្វែងរកក្រុមណា ដែលមិនចង់ឡើងទៅវគ្គពាក់កណ្ដាលផ្ដាច់ព្រ័ត្រនោះទេ។ វាគ្មានអ្វីលាក់បាំងឡើយ ថាក្រុមមួយនេះ ជាក្រុមដែលមានវប្បធម៌ និង រចនាសម្ព័ន្ធ ដើម្បីឈ្នះពាន និង ការប្រកួត។ ក្លិបមួយនេះ មានប្រវត្តិ និង ចិត្គគំនិតតក្នុងការដណ្ដើមយកពាន។
គួរបញ្ជាក់ដែរថា នៅយប់នេះ វេលាម៉ោង២រំលងអធ្រាត្រ ក្រុម Chelsea នឹងត្រូវតតាំងជាមួយក្រុម Porto ដែលជាការប្រកួតវគ្គ៨ក្រុមចុងក្រោយជើងទី២ ខណៈកាលពីជើងទី១ Chelsea បានយកឈ្នះ ២-០៕
ប្រភព៖ AF
Bong I.T