ថៃ៖ កាលពីថ្មីៗនេះ តារាប្រុសថៃមុខមាត់ស្អាតសង្ហាលោក Fluke Jira បានបង្ហោះនៅលើបណ្តាញសង្គមលើគណនីផ្ទាល់ ពីដំណឹងល្អ រួមទាំងភាពសប្បាយរីករាយយ៉ាងខ្លាំង ក៏ព្រោះតែភរិយារបស់លោក បានសម្រាលកូនទី ២ ដោយសុវត្ថិភាព។
ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័សជាក់ស្តែងក្នុងរូបភាពប៉ុន្មានសន្លឹកនោះ ក៏បានបង្ហាញពីមុខមាត់ដ៏គួរឲ្យក្នាញ់របស់កូនទី ២របស់លោកផងដែរ ដោយត្រូវបានគេឲ្យដឹងថា គឺជាកូនស្រីដដែល ដែលមានឈ្មោះថា Juna ដែលស្រដៀងទៅនឹងឈ្មោះបងស្រីរបស់គេឈ្មោះ Juni។
ទន្ទឹមនឹងនេះផងដែរ ក្រោយពីឃើញបែបនេះ មានអ្នកគាំទ្រជាច្រើនរូប ក៏ដូចជាមិត្តរួមការងារ ក្នុងរង្វង់សិល្បៈ បានចូលរួមអបអរសារទរ ក៏ដូចជាជូនពរដល់ភរិយា និងកូនស្រីតារាប្រុសរូបនេះ សូមឱ្យមានសំណាងល្អ និងមានសុខភាពល្អទាំងម្តាយទាំងកូនដូច្នេះដែរ៕
សូមទស្សនារូបភាពខាងក្រោម៖