បរទេស៖ ក្រុមហ៊ុន LG បានប្រកាសថា ខ្លួននឹងផ្តល់ជូនការអាប់ដែតប្រព័ន្ធប្រតិបត្តិការ Android រយៈពេល3ឆ្នាំសម្រាប់ស្មាតហ្វូនមួយចំនួន បើទោះបីជាខ្លួនសម្រេចលែងបន្តអាជីវកម្មស្មាតហ្វូនទៀតក៏ដោយ។ ឥឡូវនេះ ក្រុមហ៊ុនបានបង្ហាញព័ត៌មានលើទូរសព្ទណាដែលនឹងទទួលបានប្រព័ន្ធប្រតិបត្តិការ Android 12 និង Android 13។
ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័សក្រុមហ៊ុន LG នៅអាល្លឺម៉ង់ បានបង្ហាញពីឈ្មោះស្មាតហ្វូនដែលត្រូវអាប់ដែតទៅប្រព័ន្ធប្រតិបត្តិការ Android 11 នៅលើគេហទំព័ររបស់ខ្លួន ដែលបានពង្រីកដល់ត្រីមាសទី4ឆ្នាំ2021 សម្រាប់ស្មាតហ្វូនជាច្រើន។ សូមពិនិត្យមើលពេលវេលាក្នុងតារាងខាងក្រោម។
គេហទំព័រកូរ៉េរបស់ក្រុមហ៊ុន LG ក៏បានបង្ហាញផងដែរថា ឧបករណ៍ជាច្រើនទៀតនឹងទទួលបានប្រព័ន្ធប្រតិបត្តិការ Android 11 ទោះបីជាមិនបានដាក់កាលបរិច្ឆេទក៏ដោយ។ ឧបករណ៍ទាំងនេះគឺត្រកូល V50, V50S, Q31, Q51, Q 52, Q61, Q70, Q92 និង Q9 One។
គេហទំព័រកូរ៉េក៏បានបង្ហាញផងដែរថា ឧបករណ៍ណាខ្លះដែលនឹងទទួលបានប្រព័ន្ធប្រតិបត្តិការ Android 12 និង Android 13 នៅក្នុងតារាងខាងក្រោម៕