អាឡឺម៉ង់៖ អ្នកចាំទី Manuel Neuer ពិតជាមានការជឿជាក់ច្បាស់ណាស់ថា Bayern Munich នឹងអាចវាយបកយកឈ្នះក្រុមអ្នកមាន Paris Saint-Germain នៅជើងទី ២ វគ្គ ៨ ក្រុមចុងក្រោយ នៃពានរង្វាន់ Champions League បាន ខណៈអ្នកចាំទីចាស់វស្សារូបនេះបានអះអាងថា “PSG មានបញ្ហាខ្លះៗជាមួយប្រព័ន្ធការពារ”។
ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័ស
គួររម្លឹកដែរថា ក្លិប Bayern ក្រោមការដឹកនាំរបស់លោក Hansi Flick កាលពីជើងទី ១ កន្លងទៅ បានភ្លាត់ចាញ់ក្រុម PSG ក្នុងលទ្ធផល ៣-២ នៅទឹកដីខ្លួនឯង Allianz Arena។
ជាការពិតណាស់ ម្ចាស់ការពារតំណែងជើងឯក បើចង់មានកៅអីឡើងទៅវគ្គពាក់កណ្តាលផ្តាច់ព្រ័ត្រ គឺត្រូវតែឈ្នះគ្រាប់បាល់នៅជើងទី ២ នេះឱ្យបាន ២ គ្រាប់ដាច់។ ប៉ុន្តែអ្នកចាំទីសញ្ជាតិអាល្លឺម៉ង់នៅតែមានគំនិតសុទិដ្ឋិនិយមថា ក្រុមរបស់គេនឹងអាចវាយបកយកឈ្នះ PSG នៅទឹកដី បារាំង វិញបាន។
អ្នកចាំទីរបស់ក្លិប Bayern Munich រូបនេះបានថ្លែងប្រាប់គេហទំព័រ Bundesliga.Com យ៉ាងដូច្នេះថា៖
ពួកយើងនៅតែរក្សាជំហរក្នុងភាពស្ងប់ស្ងាត់ដដែល ប៉ុន្តែយើងកំពុងតែមានអារម្មណ៍ពុះកញ្ជ្រោលដើម្បីទទួលបានជ័យជម្នះនៅជើងទី ២ មកវិញ។ យើងចង់ចាប់ផ្តើមការប្រកួតជាមួយនឹងវិធីដ៏ត្រឹមត្រូវ ការលើកទឹកចិត្ត រួមទាំងអកប្បកិរិយាសមប្រកប ម្យ៉ាងទៀតរក្សាស្ថេរភាពប្រយុទ្ធលឿនៗជាមួយដៃគូរប្រកួត។ យើងត្រូវធ្វើវាមួយៗ និង ចិត្តត្រជាក់ ការលេងប្រយុទ្ធ និង ព្យាយាមដាក់សម្ពាធទៅលើដៃគូរប្រកួត។ យើងមើលឃើញថាពួកគេមានចំណុចខ្សោយត្រង់ប្រព័ន្ធការពារ។ ប្រសិនបើយើងមានឱកាសច្រើន ច្បាស់ណាស់យើងនឹងអាចទទួលជ័យជម្នះ៕
ប្រភព៖ Goal
Bong I.T