អង់គ្លេស៖ ក្លិបកាំភ្លើងធំ Arsenal បានត្រៀមខ្លួនរួចជាស្រេចក្នុងការចុះកុងត្រាទិញយក ខ្សែបម្រើ Jesse Lingard នៅរដូវក្ដៅខាងមុខនេះខណៈដែល West Ham ក៏កំពុងដាក់សំណើទិញយក Lingard ដាច់ពី Manchester United ផងដែរ។
ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័សJesse Lingard កំពុងលេងខ្ចីជើងនៅ West Ham និងបានបង្ហាញទម្រង់លេងដ៏លេចធ្លោដោយរកបាន៨គ្រាប់ក្នុងការបង្ហាញខ្លួនចំនួន៩លើកនៅក្របខណ្ឌ Premier League ហើយសមត្ថភាពរបស់គេធ្វើឲ្យកីឡាកររូបនេះត្រូវកោះហៅទៅលេងឲ្យក្រុមជម្រើសជាតិអង់គ្លេសទៀតផង។
ថ្មីៗនេះមានព័ត៌មានចចាមអារ៉ាមថា Lingard អាចនឹងចាកចេញពីទឹកដី Old Trafford ហើយដោយសារទម្រង់លេងល្អបែបនេះ តម្លៃខ្លួនរបស់គេអាចហក់ឡើងដល់៣០លានផោន(ស្មើនឹងប្រមាណ៤១.១លានដុល្លារ)។
Lingard នៅសល់កុងត្រាជាមួយ Man UTD តែមួយឆ្នាំទៀតប៉ុណ្ណោះ ទើបសារព័ត៌មាន Daily Star បានចុះផ្សាយថា Arsenal គ្រោងនឹងអន្ទងចិត្ត Lingard កុំឲ្យចូលរួមជាមួយ West Ham។
គួរបញ្ជាក់ផងដែរថា Arsenal ធ្លាប់តាមសុំខ្ចីជើងកីឡាករវ័យ២៨ឆ្នាំរូបនេះពី Manchester United ប៉ុន្តែបិសាចក្រហមមិនព្រមព្រោះមើលឃើញថា Arsenal ជាក្លិបគូប្រជែងធំស្របពេល West Ham ក៏មានទំនុកចិត្តថាអាចស្វែងរកផ្លូវទិញគេផ្ដាច់បើទោះបីជាក្នុងកុងត្រាគឺ West Ham គ្មានសិទ្ធិទិញ Lingard ផ្ដាច់មុខក៏ដោយ៕
ប្រភព៖ metro