ពាក្យចាស់លោកពោលថា "ពាក្យពិតរែងស្លែង...សម្តីស្មោះទាស់ត្រចៀក..." ពាក្យនោះមកពី អំពើមនុស្សមិនព្រមទទួលយកការពិត ចូលចិត្តតែស្តាប់ពាក្យអ្វីដែលផ្អែមៗទើបបណ្តាលឲ្យពួកគេរកនូវភាពឈឺចាប់។ ដូចនេះ​ដើម្បីកុំឲ្យរងការឈឺចាប់ខ្លាំងពេក មនុស្សគ្រប់រូបត្រូវរៀនទទួលយកនូវការពិត ​៥ យ៉ាង ខាងក្រោម៖ 

ទី​១. មិនមាននរណាដែលនឹងមកស្រឡាញ់យើង ហើយច្បាស់លាស់ជាមួយយើងរហូតទេ

មិនមាននរណាដែលនឹងមកស្រឡាញ់យើង ហើយច្បាស់លាស់ជាមួយយើងរហូតទេ

ការស្រលាញ់មិនមានភាពស្ថិតស្ថេរបាននោះទេ ពេលខ្លះវាអាចមានត្រឹមតែនៅក្នុងភាពយន្តប៉ុណ្ណោះ។ ដូចនេះ មនុស្សគ្រប់រូប ជាពិសេសយុវវ័យគប្បីរៀនរស់ដោយខ្លួនឯង ស្រលាញ់ខ្លួនឯងឲ្យច្រើនៗ កុំខ្លួនធ្វើជាបញ្ញើក្អែកដែលត្រូវការអ្នកដទៃដើម្បីបន្តជីវិត។

ទី២. រឿងអ្វីដែលមិនគួរដឹង មិនបាច់ចង់ដឹងទេ

 រឿងអ្វីដែលមិនគួរដឹង មិនបាច់ចង់ដឹងទេ

មានរឿងរាប់ម៉ឺន សែន លាន នៅលើលោកនេះ ហើយមានរឿងមួយចំនួនដែរវាទាក់ទងនិងយើង ក៏ប៉ុន្តែរឿងខ្លះប្រសិនបើមានគេហាមឃាត់ ឬមិនចង់ឲ្យយើងដឹង សូមកុំព្យាយាមចង់ដឹងពីវាអី ព្រោះវានាំតែធ្វើឱ្យខ្លួនឯងពិបាកចិត្តតែប៉ុណ្ណឹង។

ទី៣. កុំសួររកហេតុផលពីអ្នកដែលគេអស់ចិត្ត

កុំសួររកហេតុផលពីអ្នកដែលគេអស់ចិត្ត

មនុស្សតែដល់ពេលមួយគេ ឆ្អែតចិត្ត អស់ចំណង់ ឬ តណ្ហា និងយើងគេតែងតែរកលេស ចង់បែកចែកផ្លូវគ្នាហើយ បើសិនជាគេចង់ទៅ​ហើយ ដោះលែងគេទៅ ព្រោះបើគេអស់ចិត្តហើយគ្មានហេតុផលណាមួយដែលគេត្រូវនិយាយឡើយ។

ទី​៤. ស្រឡាញ់ខ្លួនឯងឱ្យច្រើន កុំស្រឡាញ់អ្នកដទៃខ្លាំងពេក

ស្រឡាញ់ខ្លួនឯងឱ្យច្រើន កុំស្រឡាញ់អ្នកដទៃខ្លាំងពេក

ការស្រលាញ់គឺតែងតែអ៊ីចឹង មុនស្រលាញ់និយាយថា និងថែរក្សាគ្នាមួយជីវិត​តែចុងក្រោយក៏បែកគ្នា​ ហើយសន្យានោះក៏បានចប់ ពីព្រោះគ្មានការស្ថិតស្ថេរបែបនេះ គឺត្រូវត្រៀមចិត្តសម្រាប់ឈឺខ្លះ ហើយកាត់ចិត្តទៅលើរឿងគ្រប់យ៉ាងដែលកើតឡើង​ មិនស្នេហា ឬមិត្តភាព។

ទី​៥. លះបង់ខ្លះទៅ ចាត់ទុកថាខ្លួនឯងធ្វើកម្មមិនល្អទៅ

លះបង់ខ្លះទៅ ចាត់ទុកថាខ្លួនឯងធ្វើកម្មមិនល្អទៅ

ពេលខ្លះរឿងនោះវាត្រូវកើតឡើង ទោះយើងខំឃាត់ ហាមបែបណា ក៏នៅតែបែបនោះដដែលហ្នឹង។ អ៊ីចឹង មិនបាច់ទៅសោកស្តាយដោយសារអ្នកដទៃច្រើនពេកទេ ព្រោះពេលដែលអ្នកឯកា មានតែខ្លួនអ្នកប៉ុណ្ណោះដែលនៅមើលថែខ្លួនឯង៕

បើមានព័ត៌មានបន្ថែម ឬ បកស្រាយសូមទាក់ទង (1) លេខទូរស័ព្ទ 098282890 (៨-១១ព្រឹក & ១-៥ល្ងាច) (2) អ៊ីម៉ែល [email protected] (3) LINE, VIBER: 098282890 (4) តាមរយៈទំព័រហ្វេសប៊ុកខ្មែរឡូត https://www.facebook.com/khmerload

ចូលចិត្តផ្នែក មេរៀនជីវិត និងចង់ធ្វើការជាមួយខ្មែរឡូតក្នុងផ្នែកនេះ សូមផ្ញើ CV មក [email protected]

ចង់ក្លាយជាអ្នកសរសេរក្រៅម៉ោងមានប្រាក់ចំណូលសូមចុះឈ្មោះទីនេះ