អង់គ្លេស៖ លោក Jose Mourinho បានលើកឡើងថា ខ្សែបម្រើ Manchester United កីឡាករ Paul Pogba គួរតែត្រូវបានបណ្តេញចេញពីទីលានក្នុងជ័យជម្នះ ៣ទល់នឹង១ លើ Tottenham។
ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័ស
ជាការរពិតណាស់ នៅក្នុងការប្រកួតយប់មិញនេះមានរឿងចម្រូងចម្រាស់ជាច្រើនបានកើតមាន ជាក់ស្តែងដូចជាការមិនផ្តល់គ្រាប់បាល់ឲ្យ Edinson Cavani ក្នុងវគ្គទីមួយបន្ទាប់ពីមានការប៉ះទង្គិចគ្នារវាង Son Heung-min និង Scott McTominay។
យ៉ាងណាក្តី Pogba បានរួចផុតពីការពិន័យនៅក្នុងការប្រកួតនេះបន្ទាប់ពីរូបគេបានព្យាយាមឲ្យកែងទៅកាន់កីឡាករ Serge Aurier ដើម្បីប្រជែងយកបាល់ក្នុងវគ្គទីមួយ។
ក្រោយបញ្ចប់ការប្រកួត លោក Mourinho បាននិយាយថា៖
ពួកយើងលេងទល់នឹងក្រុមដែលល្អ និង មានកីឡាករខ្លាំងៗជាច្រើននៅតំបន់ខ្សែបម្រើកណ្តាល។ វាជាការប្រកួតដ៏ល្អ ប៉ុន្តែ ខ្ញុំគិតថាក្រុមពួកយើងមិនសាកសមនឹងទទួលបានទ្ធផលបែបនេះឡើយ។ ពួកយើងគ្មានសំណាងព្រោះ Pogba គួរតែទទួលបានកាតក្រហមក្រោយឲ្យកែងទៅលើ Aurier៕
ប្រភព៖ goal
Bong I.T