លេងសើចម៉េចបាន! ក្រោយស៊ុតបញ្ចូលទីយប់មិញ Greenwood បានតាមស្មើកំណត់ត្រាមួយរបស់ Ronaldo

អង់គ្លេស៖ ខ្សែប្រយុទ្ធ Mason Greenwood បានតាមស្មើនូវកំណត់ត្រារបស់ Cristiano Ronaldo នៅ Manchester United។

ជាការពិតណាស់ ក្នុងនាមជាកីឡាករបម្រុងប្តូរចូលក្នុងវគ្គទីពីរយប់មិញនេះ គឺ Greenwood ធ្វើបានល្អមែនទែនដោយបានរួមចំណែកបញ្ជូនបាល់ឲ្យ Edinson Cavani ទាត់បញ្ចូលទីនៅក្នុងនាទីទី៧៩ និង ស៊ុតបញ្ចូលទីខ្លួនឯងនៅក្នុងនាទីទី៩៦ ជួយ Man Utd វាយបកយកឈ្នះ Tottenham ក្នុងលទ្ធផល ៣ទល់នឹង១ ដើម្បីបន្តក្តីសង្ឃឹមប្រជែងយកពានរង្វាន់ Premier League។

នេះជាកំណត់ត្រាដ៏ល្អមួយសម្រាប់ Greenwood ដោយរូបគេបានក្លាយទៅជាកីឡាករអាយុក្រោម២០ឆ្នាំដំបូងគេរបស់ Man Utd ដែលអាចបញ្ជូនបាល់ឲ្យមិត្តរួមក្រុមស៊ុតបញ្ចូលទី និង ទាត់បាល់បញ្ចូលទីដោយខ្លួនឯង ក្នុងនាមជាកីឡាករផ្លាស់ប្តូរចូលនៃការប្រកួតក្របខណ្ឌ Premier League ចាប់តាំងពី Cristiano Ronaldo ធ្វើបានដូចគ្នាកាលពីខែវិច្ឆិកា ឆ្នាំ២០០៣ ក្នុងការប្រកួតទល់នឹង Portsmouth៕

ប្រភព៖ utdreport