បរទេស៖ គ្រប់គ្នាប្រាកដជាបានដឹងហើយថាខ្សែភាពយន្ត Zack Snyder's Justice League មានប្រិយមិត្តជាច្រើនបានពេញចិត្តនឹងការដឹកនាំជាមួយនឹងសកម្មភាពដ៏អស្ចារ្យជាមួយនឹងសាច់រឿង (plot) ប្រទាក់ប្រស្រ័យគ្នាពីរឿងមួយទៅរឿងមួយពោលគឺខ្សែភាពយន្ត Man of Steel, Batman V Superman រហូតមកដល់ Zack Snyder's Justice League នេះ។
ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័សហើយអ្វីដែលកាន់តែធ្វើអោយអ្នកគាំទ្រកាន់តែចង់បានអោយក្លាយទៅជាកាលពិតនោះគឹខ្សែភាពយន្តបន្តបន្ទាប់ដែលជាគម្រោងរបស់លោក Zack Snyder ដូចជា Justice League 2, Justice League 3, Man of Steel 2 និង Batman ដែលសម្ដែងដោយ Ben Affleck ជាដើម។ ជាហេតុធ្វើអោយក្រុមអ្នកគាំទ្របង្កើតយុទ្ធនាការទាមទារក្រុមហ៊ុនដែលមានសិទ្ធផលិតរឿងរបស់ DC ពោល Warner Bros នេះអោយបន្តនូវខ្សែភាពយន្តដែលមានតាមគម្រោងទាំងនេះជាមួយនឹង Hashtag ដូចជា #RestoreTheSnyderverse និង #MakeTheBatfleckMovie ជាដើម។
យ៉ាងណាមិញតាមយុទ្ធនាការទាមទារនេះកាន់តែផ្ទុះកាន់តែខ្លាំងឡើងៗ ហើយក្រុមហ្វេនៗអ្នកមានលុយមួយចំនួនបានព្យាយាមធ្វើគ្រប់យ៉ាងដើម្បីអោយបានតាមត្រូវការរបស់ពួកគេ ព្រោះចង់ឃើញនូវខ្សែភាពយន្តដ៏អស្ចារ្យទាំងនោះដូចដែលកាលពីពួកគេបានទាមទារបានជោគជ័យក្នុងការសូមអោយក្រុមហ៊ុន Warner Bros ផលិតឬក៏បញ្ចេញនូវ Justice League ដែលកាត់ដោយអ្នកដឹកនាំរឿងលោក Zack Snyder ផ្ទាល់ក្រោយពីពួកគេអន់ចិត្តមិនពេញចិត្តទៅលើខ្សែភាពយន្ត Justice League (2017) ដែលត្រូវលោក Joss Whedon មកកែក្រឡៃខ្ទិចគ្មានសល់រហូតទៅដល់ 70% ពីម្ចាស់ដើមលោក Zack Snyder នេះឯង៕