រឿងភាគថៃល្បីៗ ២ ដែលអ្នកទស្សនាកំពុងចាប់អារម្មណ៍ ជារឿងថតឡើងវិញពីរឿងល្បីៗកាលពីច្រើនឆ្នាំមុន

ថៃ៖ អ្នកទស្សនាមួយចំនួន តែងតែធ្លាប់ជួបនូវបទពិសោធន៍បែបនេះ គឺកំពុងតែមើលរឿងភាគមួយ ហើយស្រាប់តែមានអារម្មណ៍ថាដឹងសាច់រឿងខ្លះៗ ឬមានអារម្មណ៍ធ្លាប់មើលពីមុនទាំងដែលរឿងនេះជារឿងថ្មីក៏ដោយ។ នេះអាចចម្លើយមួយថា រឿងដែលអ្នកកំពុងមើលជាប្រភេទរឿងថតឡើងវិញពីរឿងភាគចាស់ណាមួយ ដែលគ្រាន់មានការផ្លាស់ប្ដូរតួ ឬចំណងជើងបន្ដិចបន្តួចប៉ុណ្ណោះ។ 

ការពិតទៅមានរឿងភាគថៃល្បីៗមួយចំនួន ជាប្រភេទនៃការទិញសិទ្ធិថតឡើងវិញពីរឿងភាគល្បីៗរបស់បរទេស ហើយខ្លះទៀតក៏ជារឿងភាគល្បីៗរបស់ថៃ ដែលបានថតរយៈពេលយូរមកហើយផងដែរ។ នៅក្នុងនោះ ការទិញសិទ្ធថតឡើងវិញនូវរឿងភាគណាមួយនោះ វាមិនមែនជារឿងដែលខុសនោះដែរ ព្រោះទាំងម្ចាស់ស្នាដៃ និងអ្នកដឹកនាំថតសម្ដែងសុទ្ធតែបានព្រមព្រៀងគ្នារួចមកហើយ។ 

នៅក្នុងនោះ មានរឿងភាគ ២ ដែលមានធ្វើការថតសម្ដែងជាថ្មី ពីរឿងចាស់ ដែលអ្នកទស្សនាមើលសឹងតែមិនដឹងថាជាប្រភេទរឿង Remake ៖ 

១. រឿង Pom Sanaeha 

រឿង Pom Sanaeha ជារឿងមួយ​ ដែលត្រូវបានសម្ដែងដោយលោក Great Warintorn និង កញ្ញា Patricia Good។ ដោយរឿងនេះត្រុវបានថតសារឡើងវិញពីរឿងភាគថៃមួយមានចំណងជើងថា Plerng Payu ដែលរួមសម្ដែងដោយលោក Oil Thana និង Aum Patchrapa។ 

២. រឿង Game Lah Torachon 

រឿង Game Lah Torachon ជារឿងភាគថ្មីមួយ​ ដែលនឹងត្រូវសម្ដែងដោយតារាប្រុសរូបសង្ហា Mark Prin ចាប់ដៃគូជាមួយតារាស្រី Taew Natapohn សម្រាប់ជាចំណងដៃនៃឆ្នាំ ២០២១ នេះ។ រឿងនោះត្រូវបាន Remake ពីរឿង Prajun Lai Payak ដែលបានថត និងចាក់បញ្ចាំងនៅក្នុងឆ្នាំ ២០១០ ផងដែរ។