អង់គ្លេស៖ អ្នកចាត់ការទូទៅលោក Thomas Tuchel បានមានប្រសាសន៍ថា កីឡាករ Kai Havertz នឹងមិនមានចរិតឆេឆាវនៅលើទីលានដូចអតីតខ្សែប្រយុទ្ធ Diego Costa កាលនៅ Chelsea នោះទេ ប៉ុន្តែខ្សែប្រយុទ្ធវ័យក្មេងរូបនេះនៅតែអាចមានអនាគតភ្លឺស្វាងនៅទីនេះ។
ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័ស
គួរម្លឹកដែរថា កីឡាករវ័យ ២១ ឆ្នាំរកបានមួយគ្រាប់ និង បញ្ជូនឱ្យមិត្តរួមក្រុមស៊ុតបញ្ចូលទី ១ គ្រាប់ នៅក្នុងជំនួបដែល Chelsea បានទទួលជ័យជម្នះយ៉ងចាស់ដៃទៅលើក្រុម Crystal Palace ក្នុងលទ្ធផល ៤-១, ហើយនេះជាលើកទី ១ ហើយដែលលោក Tuchel បានដឹកនាំក្រុមតោខៀវឱ្យស៊ុតបញ្ចូលទីបានច្រើនជាង ២ គ្រាប់ ក្នុងចំណោមការប្រកួត ១៧ លើកកន្លងមក។
យោងតាមសេចក្តីថ្លែងការណ៍ក្រោយបញ្ចប់ការប្រកួតលោក Tuchel បានមានប្រសាសន៍យ៉ាងដូច្នេះថា៖
គាត់គឺមិនមែនជាមនុស្សដែលឆាប់ឆេឆាវ ឬ ឆាប់ខឹងនោះទេ។ ពេលខ្លះមនុស្សមួយចំនួន នឹងមួរម៉ៅចង់ប្រើហិង្សារនៅពេលដែលគេមិនអាចទទួលលទ្ធផលសមប្រកប។ Havertz មិនមែនជាប្រភេទមនុស្សដូច Diago Costa នោះទេ។ គាត់គឺតែងតែធ្វើធម្មតា។ ខ្ញុំមិនចង់ឱ្យគាត់មានចរិតបែបនេះដែរ។ ពេលខ្លះអ្នកមិនអាចយល់ច្រឡំ ដោយអ្នកគ្រាន់តែបានឃើញរូបរាង និង ភាសានិយាយរបស់គាត់ ហើយចោទគាត់ថាជាមនុស្សឆេឆាវ ឬ កាចសាហាវ។ គាត់គឺចូលចិត្តស្ងៀមស្ងាត់ និង ដឹងពីគុណភាពរបស់គាត់ច្បាស់ណាស់។
ប្រភព៖ Goal
Bong I.T