ស្រលាញ់គ្នាសុខៗក៏ចែកផ្លូវគ្នា បែកគ្នាដោយមិនអស់ចិត្ត បែកទាំងចិត្តនៅស្រលាញ់ ធ្លាប់ទេបែកគ្នាដោយការយល់ច្រលំបន្តិចបន្តួចរួចបង្កជារឿងធំនាំឲ្យចែកផ្លូវគ្នា។ ជាសាច់ជាឈាម ការបែកបាក់ជារឿងដែលឈឺចាប់បំផុត ធ្លាប់ទេ សុខៗក៏នឹកគេហើយចង់ជានាជាមួយគេវិញ ទាំងដែលគ្រប់យ៉ាងបញ្ចប់អស់ទៅហើយ។ ហើយនេះជាអ្វីដែលអ្នកត្រួវសួរខ្លួនឯងជាមុនសិន មុនសម្រេចចិត្តចង់ជានាជាមួយគេវិញ៖
ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័ស១. ហេតុអ្វីបានជាបែកគ្នា?
មិនមែនសុខៗក៏ចែកផ្លូវគ្នាទេ មនុស្សស្រលាញ់គ្នាយ៉ាងហោចណាស់ក៏មានរឿងរកាំរកូសដែលមុនសម្រេចចិត្តដើរចេញ។ បើបែកព្រោះគេមានអ្នកថ្មី គេអស់ចិត្តពីអ្នក បានហើយឈប់គិតថាចង់ត្រូវរូវជាមួយគេទៀតទៅ បើអ្នកមិនចង់ឈឺចាប់ម្ដងទៀតទេ គួរព្យាយាមបំភ្លេចគេម្នាក់នោះចោលទៅ។
២. ក្រោយបែកគ្នា គេមានកែប្រែដែរទេ?
បើគេនៅស្រលាញ់អ្នកដូចអ្នកចង់ជានាជាមួយគេ ពិតណាស់គាត់ប្រហែលជាមកសួរនាំ ឬធ្វើសកម្មភាពគ្រប់យ៉ាងដើម្បីឲ្យអ្នកអភ័យទោសឲ្យ។ ក្រៅពីទុកពេលអោយខ្លួនឯងមួយរយៈហើយនោះ អ្នកគួរតែសួរខ្លួនឯងថា អ្នកទាំងពីរ មានការប្រែប្រួលបែបណាខ្លះ។ ចុះគេវិញ នៅតែរករឿង មិនមានហេតុផលដូចមុនដែរទេ កែប្រែចរិតខិលខូច និង លេងច្រើននោះចោលហើយ ឬនៅ?
៣. បែកគ្នាយូរប៉ុណ្ណាហើយ?
បែកគ្នាយូរប៉ុណ្ណោហើយ? គេមានដែលខ្វាយខ្វល់ពីអ្នកអត់? គេមានថ្មីបាត់ហើយទេដឹង! ពេលខ្លះអ្នកពិតជាចង់ជានាជាមួយគេវិញណាស់ តែអ្នកដែលគិតទេថាតើពេលយើងស្នើសុំជានាវិញ តើបុរសម្នាក់នោះយល់ព្រម ឬអត់? អ្នកប្រហែលចំណាយពេលឥតប្រយោជន៍គិតពីគេតែម្ខាងច្រើនពេកហើយ គួរចំណាយពេលឲ្យមានប្រយោជន៍វិញ ដូចជាអានសៀវភៅ ស្ដាប់តន្ត្រី ឬធ្វើម្ហូបជាដើម។ ធ្វើខ្លួនឯងឲ្យរវល់ជាមួយរឿងមានប្រយោជន៍ មិនយូរមិនឆាប់ទេអ្នកគង់តែភ្លេចគេបាន ជឿលើខ្លួនឯង ថាអ្នកអាចធ្វើវាបាន៕