ឃើញឡើងជើងខ្លាំង Arsenal កំពុងចាប់អារម្មណ៍ចង់បានខ្សែប្រយុទ្ធរបស់ Man UTD រូបនេះទៅរួមក្រុម

បរទេស៖ បើតាមគេហទំព័រ The Daily Star បានឲ្យដឹងថាក្លិបកាំភ្លើងធំ Arsenal កំពុងតែត្រៀមខ្លួនប្រជែងជាមួយក្លិប West Ham ក្នុងការដាក់សំណើទិញយកខ្សែប្រយុទ្ធ Jesse Lingard ផ្តាច់កុងត្រាពីបិសាចក្រហម Manchester United នៅចុងរដូវកាល២០២០/២១នេះ។ 

គួរបញ្ជាក់ដែរថា Lingard ត្រូវបានក្លិប West Ham ខ្ចីជើងពី Man UTD មករួមក្រុមកាលពីខែមករាឆ្នាំ២០២១កន្លងទៅនេះ ដោយក្នុងនោះរូបគេបង្ហាញទម្រង់លេងបានយ៉ាងល្អ គួរឲ្យកត់សម្គាល់ពោលចូលលេងបាន១១ប្រកួត រកបាន៦គ្រាប់ និងបោះបាល់ឲ្យដៃគូបញ្ចប់ទីបាន៤លើកផងដែរ៕ 

ប្រភព៖ goal