ក្រសួងបញ្ជាក់ថា អ្នកឆ្លងថ្មីនៅភ្នំពេញទាំង ៤៥៣ នាក់ថ្ងៃនេះ មិនទាន់ទទួលបានកន្លែងព្យាបាលទេ

ភ្នំពេញ៖ នៅថ្ងៃទី១០ ខែមេសា ឆ្នាំ២០២១នេះ ក្រសួងសុខាភិបាលនៃព្រះរាជាណាចក្រកម្ពុជា បានសេចក្ដីប្រកាស ស្ដីពីការរកឃើញករណីឆ្លងថ្មីជំងឺកូវីដ-១៩ យ៉ាងច្រើនក្នុងថ្ងៃទីពីរ រហូតដល់ទៅ ៤៧៧នាក់ ខណៈអ្នកជាសះស្បើយមានចំនួន ៩៦នាក់។  

តាមរយៈសេចក្ដីប្រកាសខាងលើ ក្រសួងក៏បានបញ្ជាក់ដែរថា ចំពោះអ្នកវិជ្ជមានជំងឺកូវីដ-១៩ ក្នុងរាជធានីភ្នំពេញថ្ងៃនេះមានចំនួនសរុប ៤៥៤នាក់ ដោយក្នុងនោះ មានអ្នកជំងឺម្នាក់បានទទួលមរណភាព។  យ៉ាងណាមិញ ចំពោះអ្នកជំងឺទាំង ៤៥៣នាក់នេះ​ គឺមិនទាន់ទទួលបានកន្លែងសម្រាកព្យាបាលនៅឡើយទេ ដោយក្រសួងនឹងធ្វើការជូនដំណឹងបន្ដទៀត៕