ភ្នំពេញ: នៅព្រឹកថ្ងៃទី១០ ខែមេសា ឆ្នាំ២០២១ ក្នុងឱកាសនៃការអញ្ជើញថ្លែងសារពិសេសជូនដល់ប្រជាជនកម្ពុជា ស្តីអំពីស្ថានភាពកូវីដ១៩នៅក្នុងប្រទេសកម្ពុជា សម្តេចអគ្គមហាសេនាធិបតីតេជោ ហ៊ុន សែន នាយករដ្ឋមន្រ្តីនៃព្រះរាជាណាចក្រកម្ពុជាបានមានប្រសាសន៍លើកសរសើរ និងគោរពដល់យន្តការនៃការដោះស្រាយបំណុលរបស់ប្រទេសជប៉ុនចំពោះកម្ពុជាយ៉ាងដូច្នេះថា៖
ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័ស
ឥរិយាបថរបស់ជប៉ុន គឺជាឥរិយាបថដែលគួរឲ្យគោរពខ្លាំងណាស់ រហូតដល់ឆ្នាំ២០០០ហើយ ទើបយើងមានសិទ្ធិខ្ចីលុយជប៉ុន មូលហេតុអីទៅ? មូលហេតុដោយសារយើងជំពាក់លុយរបស់ជប៉ុន ទាំងដើមទាំងការ ទាំងប្រាក់ពិន័យ ចំពោះប្រទេសជប៉ុន ។អញ្ចឹងនៅពេាលដែលយើងជំពាក់លុយនេះគេមិនអាចឲ្យខ្ចីបានថែមទៀតទេ បានជាជប៉ុនផ្តល់តែជំនួយឥតសំណងប៉ុន្តែមិនអាចផ្តល់ជាប្រាក់កម្ចីឲ្យយើងបានទេ។
សម្តេចក៏បន្តមានប្រសាសន៍ដោយបានលើកឡើងនៅវិធីដោះស្រាយបំណុលរបស់ជប៉ុននៅកម្ពុជាយ៉ាងដូច្នេះថា៖
ជប៉ុនប្រើវិធីសាស្រ្តដ៏ល្អមួយសម្រាប់ជួយដល់កម្ពុជា ជប៉ុនផ្តល់នូវទំនិញឲ្យកម្ពុជាជាប្រេងឥន្ធន: ជាស័ង្កសី ជារបស់ប្រើប្រាស់ឲ្យកម្ពុជាយកមកលក់។លក់បានលុយហើយ គឺសងលុយនឹងទៅជប៉ុន។ជប៉ុនមិនយកទៅជប៉ុនទេ ជប៉ុនយកលុយនឹងជួយដល់កម្ពុជា ទ្រទ្រង់ដល់ថវិកា។ អញ្ចឹងបានន័យថា យកលុយជប៉ុនសងលុយជប៉ុន៕
សូមរំលឹកផងដែរថា ព្រះរាជាណាចក្រកម្ពុជា និងព្រះរាជាណាចក្រជប៉ុនបានកសាងចំណងការទូតចាប់តាំងពីឆ្នាំ១៩៥៣ ហើយជប៉ុនបានចូលរួមចំណែកយ៉ាងច្រើនសម្បើមក្នុងការជួយដល់កម្ពុជា និងប្រជាជនកម្ពុជា ដែលភាគច្រើនសុទ្ធសឹងតែជាជំនួយឥតសំណង និងជំនួយបច្ចេកទេស។ល។
Bong I.T