តៃវ៉ាន់៖ យោងតាមគេហទំព័រ Sina បានរាយការណ៍ថានៅល្ងាចថ្ងៃទី ៩ ខែមេសាតារាស្រីជួរមុខចាស់វស្សា Ruby Lin ហៅថា ចៀវៃ បានបង្ហាញខ្លួននៅក្នុងព្រឹត្តិការណ៍មួយ នៃប្រ៊េនយីហោគ្រឿងអលង្ការលំដាប់ខ្ពស់ បានទទួលការចាប់អារម្មណ៍យ៉ាងខ្លាំងពីអ្នកគាំទ្រ ជាមួយការតុបតែងខ្លួនរបស់នាង។

ជាមួយគ្នានេះ តារាស្រីកូនមួយរូបនេះ បានគ្រងឈុត សំពត់វែងអន្លាយ ជាមួយអាវខ្មៅដៃវែង ពិតជាទាក់ទាញខ្លាំងតែម្តង ជាពិសេសនោះ ភរិយារបស់ Wallace Huo រូបនេះក៏បានប្រមូលក្រសែរភ្នែកទាំងពួង សម្លឹកមើលមិនដាក់ភ្នែក ព្រោះតែនាងបានពាក់គ្រឿងអលង្ការត្បូងមរកតដែលមានតម្លៃ ១២០ លានដុល្លារតៃវ៉ាន់ (ប្រហែលជាង ៤ លានដុល្លារ) ។

យ៉ាងណាមិញ ទោះបីស្លៀកឈុត ក៏ដូចជាប្រើប្រាស់របស់ថ្លៃយ៉ាងណា មិនប្រាកដថាស្រស់ស្អាត ក៏ទាក់ទាញគ្រប់ពេលនោះទេ ជាពិសេសនោះ ស្ថិតនៅក្នុងវ័យ ៤៥ឆ្នាំ រឹតតែមិនហាមឃាត់នូវភាពចាស់របស់តារាស្រីរូបនេះបានឡើយ។ ជាក់ស្តែង RubyLin ត្រូវបានបង្ហាញចំនុចខ្សោយនៃមុខរបស់នាង បន្ទាប់ពីរូបភាពក្រៅឆាកត្រូវបានចែកចាយ។

ជាមួយគ្នានេះដែរ រូបទាំងនោះបានត្រូវឲ្យគេដឹងថា ទម្រង់មុខរបស់តារាស្រីរូបនេះ មានសភាពធំហើមបន្តិច ជាពិសេសនោះស្បែករបស់នាងមានជាតិខ្លាញ់រងើមតែម្តង និងឃើញស្នាមផ្នត់នៅពេលដែលនាងញញឹម។ តួយ៉ាង ត្រូវបានមហាជនរិះគន់ចំៗតែម្តង ថាវាពិតជាខុសគ្នាទៅនឹងរូបបានគេបានកែច្នៃ ដែលមានសភាពតឹងណែងរលោង ហើយស្លឹមស្អាត មើលទៅក្មេងជាងវ័យទៅវិញ៕

សូមទស្សនារូបភាពខាងក្រោម៖

Ruby Lin
Ruby Lin រូបដែលបានកែ
Ruby Lin រូបដែលបានកែ
Ruby Lin រូបដែលបានកែ
Ruby Lin រូបគេមិនកែ
Ruby Lin រូបគេមិនកែ

បើមានព័ត៌មានបន្ថែម ឬ បកស្រាយសូមទាក់ទង (1) លេខទូរស័ព្ទ 098282890 (៨-១១ព្រឹក & ១-៥ល្ងាច) (2) អ៊ីម៉ែល [email protected] (3) LINE, VIBER: 098282890 (4) តាមរយៈទំព័រហ្វេសប៊ុកខ្មែរឡូត https://www.facebook.com/khmerload

ចូលចិត្តផ្នែក តារា & កម្សាន្ដ និងចង់ធ្វើការជាមួយខ្មែរឡូតក្នុងផ្នែកនេះ សូមផ្ញើ CV មក [email protected]

ចង់ក្លាយជាអ្នកសរសេរក្រៅម៉ោងមានប្រាក់ចំណូលសូមចុះឈ្មោះទីនេះ