ចាប់ពីថ្ងៃនេះ ខេត្តសៀមរាប សម្រេចបិទចរាចរណ៍បណ្ដោះអាសន្ន ចន្លោះម៉ោង៨យប់ ដល់ម៉ោង៥ព្រឹក និងវិធានការផ្សេងៗទៀត

ខេត្តសៀមរាប៖ រដ្ឋបាលខេត្តសៀមរាប បានចេញសេចក្ដីសម្រេចស្ដីពីការអនុវត្ដវិធានការរដ្ឋបាលជាបណ្ដោះអាសន្ន ដើម្បីទប់ស្កាត់ការរីករាលដាលជំងឺកូវីដ-១៩ នៅក្នុងភូមិសាស្ដ្រខេត្តសៀមរាប។

សេចក្ដីសម្រេចនេះ នឹងត្រូវអនុវត្ដក្នុងរយៈពេល ២សប្ដាហ៍ ចាប់ពីថ្ងៃទី១០ រហូតដល់ថ្ងៃទី២៣ ខែមេសា ឆ្នាំ២០២១ ដោយមានប្រការសំខាន់ៗ ដែលប្រជាពលរដ្ឋទូទាំងខេត្ដសៀមរាបត្រូវតែអនុវត្ដដូចជា៖

- ត្រូវផ្អាកបណ្ដោះអាសន្ននូវសកម្មភាពអាជីវកម្មចំពោះតូបអាហារ អាហារដ្ឋាន ភោជនីយដ្ឋាន ហាងកាហ្វេ ហាងភេសជ្ជៈ ក៏ដូចជាភោជនីយដ្ឋាននៅតាមសណ្ឋាគារ ​​​​​​​​​​​​​​​​។ល។ ដែលទទួលអតិថិជននៅចន្លោះម៉ោង ៨យប់ ដល់ម៉ោង ៥ព្រឹកជាកំហិត ប៉ុន្ដែអាជីវកម្មទាំងនេះអាចលក់ជាលក្ខណៈវេចខ្ចប់បាន។

- ត្រូវផ្អាកជាបណ្ដោះអាសន្ននូវការប្រមូលផ្ដុំ ឬការជួបជុំគ្នាទទួលទានអាហារ ភេសជ្ជៈ ឬទទួលទានគ្រឿងស្រវឹងចាប់ពីម៉ោង ៨យប់ ដល់ម៉ោង ៥ព្រឹក ដោយលើកលែងករណីមួយចំនួន។

- ត្រូវផ្អាកជាបណ្ដោះអាសន្ននូវការធ្វើចរាចរណ៍ក្នុងភូមិសាស្ដ្រខេត្ដសៀមរាប នៅចន្លោះម៉ោង ៨យប់ ដល់ម៉ោង ៥ព្រឹក ដោយលើកលែងករណីមួយចំនួន៕

សូមអានសេចក្ដីលម្អិតខាងក្រោមនេះ៖

ប្រភព៖ រដ្ឋបាលខេត្តសៀមរាប