អេស្ប៉ាញ៖ មុនការប្រកួត El Clasico ឈានចូលមកដល់ ខ្សែប្រយុទ្ធ Karim Benzema បានកោតសរសើរមិត្តរួមក្រុមគឺ ខ្សែប្រយុទ្ធ Vinicius Junior ដែលធ្លាប់មានរឿងមានរ៉ាវជាមួយគ្នាកាលប្រកួតទល់នឹង ក្រុម Borussia Monchengladbach ។
ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័ស
កាលណោះ Real Madrid ត្រូវប្រកួតជាមួយ Borussia Monchengladbach នៅវគ្គចែកពូលព្រឹត្តិការណ៍ Champions League ដោយ Benzema បានខ្សឹបប្រាប់ Ferland Mendy ជាមិត្តរួមក្រុមកុំឲ្យបញ្ជូនបាល់ឲ្យ Vinicius Junior ឲ្យសោះព្រោះគេមិនមែនលេងនៅខាងក្រុមពួកគេនោះឡើយទើបផ្ទុះពាក្យចចាមអារ៉ាមថាកីឡាករពីរនាក់នេះមិនត្រូវរ៉ូវគ្នា។
ប៉ុន្តែ Benzema បានចេញមុខបកស្រាយទាក់ទងនឹងរឿងនេះថា៖
Vini ជាកីឡាករវ័យក្មេងមួយរូប ប៉ុន្តែខ្ញុំជឿជាក់លើសមត្ថភាពរបស់គេ ព្រោះគេមានអ្វីគ្រប់យ៉ាងក្នុងការសម្រេចជោគជ័យនៅទីនេះ។ ហេតុដូច្នេះទើបបានជាខ្ញុំនិយាយជាមួយគេច្រើនរឿងណាស់ ជួនកាលក៏សម្ដីធំដាក់គេ ប៉ុន្តែនោះព្រោះគេជាគេ។ គេនឹងក្លាយជាកីឡាករដែលល្អជាងនេះ គេពិតជាអស្ចារ្យណាស់។
គួរបញ្ជាក់ផងដែរថា ខ្សែប្រយុទ្ធ Vinicius Junior ផ្ទេរពីក្លិប Flamengo មក Real Madrid តាំងពីឆ្នាំ២០១៨ ដោយមុនដំបូងគេចូលលេងឲ្យឈុតB របស់Real Madrid តែក៏ត្រូវតម្លើងមកឈុតធំក្នុងឆ្នាំតែមួយដោយសារសមត្ថភាពដ៏លេចធ្លោរបស់គេ៕
ប្រភព៖ marca
Bong I.T