តារាប្រុសទាំង ៤ រូប ដែលសុទ្ធតែធ្លាប់ជាដៃគូសម្ដែងជាមួយ តារាស្រីវ័យក្មេង Bua Nalinthip

ថៃ៖ Bua Nalinthip ជាតារាស្រីវ័យក្មេងមួយរូប ដែលបានចុះកុងត្រាសហការសម្ដែងជាមួយស្ថានីយ៍បុស្ដិ៍លេខ ៣ របស់ថៃ នៅក្នុងឆ្នាំ ២០១៤។ នៅក្នុងនោះ Bua បានសហការសម្ដែងជាមួយនឹងតារាប្រុសរូបសង្ហាជាច្រើននាក់ផងដែរ។ ដោយសារតែសមត្ថភាពនៃការសម្ដែង​រួមជាមួយនឹងប្រជាប្រិយភាពរបស់នាងផងដែរនោះ Bua បានសម្ដែងនូវរឿងជាច្រើនជាបន្តបន្ទាប់ សម្រាប់ទ្រនំមួយនេះ។ 

ខាងក្រោមនេះ ជាតារាប្រុសទាំង ៤ ដែលបានសហការធ្វើការសម្ដែងជាមួយនឹង Bua សម្រាប់ពេលកន្លងមក មានដូចជា៖ 

១. Puen Khanin 

Puen ជាតារាជើងចាស់មួយរូប ដែលបានសហការជាមួយនឹង Bua ចាប់តាំងពីនាងបានចូលក្នុងបុស្ដិ៍លេខ៣ ដោយបានសម្ដែងនៅក្នុងរឿង Ruk Nee Jhe Jud hai និងឥលូវនេះ ពួកគេក៏បានសម្ដែងរឿង Aom Fah Oab Din ជាមួយគ្នាផងដែរ។

២. Krating Khunnarong 

Bua និង Krating ទើបតែបញ្ចប់នូវការសម្ដែងរឿងមួយជាមួយគ្នាមានចំណងជើងថា Kaen Rik Salub Chata ផងដែរ។ 

៣. Pon Nawasch 

Pon និង Bua បានសហការថតរឿង Tra Barb See Chompoo ដោយនៅក្នុងឆ្នាំ ២០១៨ និងបានសហការថតរឿងថ្មីមួយមានចំណងជើងថា Praomook ដោយទើបតែបញ្ចប់នៅក្នុងឆ្នាំ ២០២០ តែមិនទាន់បានចាក់ផ្សាយនៅឡើយទេ។ 

៤. Pop Thakoon 

Pop និង Bua បានធ្វើការសម្ដែងជាមួយគ្នានៅក្នុងរឿងមួយមានចំណងជើងថា Khun Mae Suam Roy ដោយរឿងមួយនោះទទួលបាននូវការគាំទ្រយ៉ាងខ្លាំងថែមទៀតផង ដោយបានពិន្ទុដល់ទៅ ៦.៧ ភាគរយនៅក្នុងវគ្គចុងក្រោយ៕