អង់គ្លេស៖ លោកគ្រូបង្វឹក Pep Guardiola នៃក្លិបមេឃខៀវ Manchester City នឹងទទួលយកគ្រប់ការសម្រេចចិត្តរបស់ខ្សែប្រយុទ្ធ Sergio Aguero ខណៈដែលថ្មីៗនេះក្លិបបានប្រកាសជាផ្លូវការថាតារាឆ្នើមរូបនេះនឹងចាកចេញពេលចប់រដូវកាល។
ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័ស
Aguero ដែលជាអ្នកស៊ុតបញ្ចូលទីបានច្រើនជាងគេបង្អស់ក្នុងប្រវត្តិសាស្ត្ររបស់ក្លិប Man City បានក្លាយជារ៉ាដារបស់បណ្ដាក្លិបធំៗនៅអឺរ៉ុបផ្សេងទៀតដូចជា Barcelona ជាដើម ប៉ុន្តែមានក្លិបខ្លះនៅ Premier League ដូចជា Chelsea ក៏ចាប់អារម្មណ៍ចង់បានគេដែរទើបលោកគ្រូ Pep បាននិយាយថារូបគាត់គ្មានបញ្ហាណាមួយទេបើទោះបីជា Aguero ចាកចេញទៅក្លិបគូប្រជែងក៏ដោយ។
លោកគ្រូបានថ្លែងថា៖
អ្វីដែលល្អសម្រាប់គេគឺល្អសម្រាប់ពួកយើង។ Sergio នៅតែជាកីឡាករឆ្នើមម្នាក់ហើយអ្វីដែលគេបានផ្ដល់ឲ្យក្លិបប៉ុន្មានឆ្នាំនេះគឺពិតជាល្អ។ ប្រាកដណាស់ ពួកយើងនឹងសប្បាយចិត្តជាមួយការសម្រេចចិត្តរបស់គេ។ ខ្ញុំពេញចិត្តអ្វីដែលគេពេញចិត្ត។ អ្វីដែលគេពេញចិត្តគឺខ្ញុំពេញចិត្ត អ្វីដែលល្អសម្រាប់គេគឺល្អសម្រាប់ពួកយើងហើយ។
បើទោះបីជា Sergio Aguero ប្រកាសចាកចេញពីទឹកដី Etihad ក៏ពេលនេះក្លិប Manchester City នៅតែខ្លាំងព្រោះមានកីឡាករឆ្នើមៗជាច្រើនទៀតហើយមកទល់ពេលនេះក្លិបមិនទាន់ធ្លាក់ចេញពីពានរង្វាន់មួយណានោះឡើយពោលគឺទាំង Carabao Cup, FA Cup, Champions League និង Premier League ៕
ប្រភព៖ goal
Bong I.T