ភ្នំពេញ៖ យោងតាមសេចក្តីប្រកាសជូនដំណឹង របស់ឯកឧត្តម ជា ពិសី អភិបាលខណ្ឌឬស្សីកែវ បានឱ្យដឹងថា នៅល្ងាចថ្ងៃទី៩ ខែមេសា ឆ្នាំ២០២១ វេលាម៉ោង ១៨ និង ១០ នាទី អាជ្ញាធរនៃរដ្ឋបាលខណ្ឌប្ញស្សីកែវ និងក្រុមគ្រូពេទ្យ បានស្វែងរកឃើញ អ្នកវិជ្ជមាននឹងមេរោគកូវីដ១៩ ចំនួន ០១ នាក់ ជាបុរស អាយុ ៤០ ឆ្នាំ មុខរបរលក់ដូរនៅផ្សារអូរឫស្សី មានទីលំនៅ នៅចំណុចផ្ទះលេខJ២១ ផ្លូវលេខ៦ ក្រុមទី១៤ ភូមិបឹងសាឡាង សង្កាត់ឫស្សីកែវ ខណ្ឌឫស្សីកែវ រាជធានីភ្នំពេញ។
ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័សក្នុងនោះដែរ លោកអភិបាលក៏បានអំពាវនាវដល់បងប្អូនប្រជាពលរដ្ឋទាំងអស់ មេត្តាបង្កើនការប្រុងប្រយ័ត្នឱ្យបានខ្ពស់ ដើម្បីចូលរួមទប់ស្កាត់ការរីករាលដាលជម្ងឺកូវីដ១៩ នៅក្នុងព្រឹត្តិការណ៍សហគមន៍២០កុម្ភៈ៕
ប្រភព៖ ឯកឧត្តម ជា ពិសី - Chea Pisey