លោកគ្រូ Tuchel ដាស់តឿនកូនក្រុមម្នាក់នេះថាគេអាចមិនមានឱកាសបានចូលលេងញឹកទេ

ទេ ខ្ញុំមិនអាចសម្រេចចិត្តដោយផ្អែកលើហេតុផលផ្ទាល់ខ្លួនរបស់កីឡាករណាម្នាក់នោះឡើយ។ Kepa ក៏ចង់លេងឲ្យក្រុមជម្រើសជាតិអេស្ប៉ាញដែរហើយវាល្អដែលពួកគេមានគោលដៅបែបនេះប៉ុន្តែវាមិនមានឥទ្ធិពលដល់ការសម្រេចចិត្តរបស់ខ្ញុំឡើយ។ ខ្ញុំជាគ្រូបង្វឹករបស់ Chelsea ហើយខ្ញុំគិតថាខ្ញុំត្រូវតែធ្វើអ្វីមួយដែលល្អសម្រាប់ក្រុម។ Tammy ប្រឈមនឹងស្ថានភាពលំបាកបន្តិចបន្តួចព្រោះគេអាចជាប់ជម្រើស១១នាក់ដំបូងតែ២ទៅ៣ប្រកួតប៉ុណ្ណោះ និងត្រូវប្ដូរចូលពីរដងផងដែរ។ បន្ទាប់មកគេក៏បានរងរបួស ហើយកំលុងពេលគេនៅព្យាបាល កីឡាកររបស់ពួកយើងនៅតែបន្តធ្វើបានល្អដោយគ្មានគេ ហើយលទ្ធផលនៃការប្រកួតក៏ល្អដែរ។ វាមិនមែនជារឿយងាយស្រួលទេព្រោះក្នុងការប្រកួតមួយៗគឺយើងប្ដូរកីឡាករបានតែ៣នាក់គត់ ដូច្នេះ Tammy ត្រូវតែបង្ហាញសមត្ថភាពកែប្រែការសម្រេចចិត្តរបស់ខ្ញុំ។ ពួកយើងមានកីឡាករកំពុងហ្វឹកហាត់ចំនួន២២នាក់ ហើយវាពិតជាពិបាកដែលត្រូវរើសយក ១៨នាក់ មកលេងការប្រកួតនៅ Premier League ។ ពួកយើងត្រូវការឲ្យ Tammy បង្ហាញសមត្ថភាពច្រើនជាងនេះ ខ្ញុំសង្ឃឹមថាគេនឹងមិនបន្តរងរបួសហើយមានឱកាសបានក្លាយជាកីឡាករស្នូលរបស់ពួកយើងនៅរដូវកាលក្រោយទៅចុះ។