បារាំង៖ អតីតកីឡាករអ្នកចាំទីរបស់ក្រុមអធិរាជស Real Madrid និងបច្ចុប្បន្នជាអ្នកចាទីរបស់ក្រុម Paris Saint German បាននិយាយពីរឿងមួយរបស់គេជាមួយក្លិបRea l Madrid ។ រូបគេបានលើកឡើងថា ព្រះជាម្ចាស់ជាអ្នកនាំរូបគេចេញពីក្រុម Real Madrid មកកាន់ PSG ។
ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័ស
គួររម្លឹកផងដែរថា កីឡាករសញ្ជាតិកូស្តារីការូបនេះបានចូលរួមជាមួយក្រុម Real Madrid ពីក្រុម Lavante កាលពីឆ្នាំ ២០១៤ និងទទួលបានជោគជ័យយ៉ាងច្រើននៅក្រុមយក្សអេស្ប៉ាញមួយនេះដោយបានឈ្នះពានរង្វាន់ La Liga ចំនួនមួយដងនិងឈ្នះជើងឯក Champion League ៣ លើកជាប់ៗគ្នារវាងឆ្នាំ ២០១៦ ២០១៧ និង ២០១៨ ។ ចុងក្រោយកីឡាកររូបនេះត្រូវចាកចេញពី Real Madrid នៅឆ្នាំ២០១៩ ដោយសារការមកដល់របស់អ្នកចាំទី Thibaut Courtois ពីក្រុមតោខៀវ Chelsea ។
នៅក្នុងបទសម្ភាសន៍ជាមួយ France Football កីឡាកររូបនេះបានពិពណ៌នាថា៖
ចុងបញ្ជប់នៃពេលវេលារបស់រូបគេនៅ Real Madrid ជាដំណាក់កាលមួយដ៏ស្មុគស្មាញ។ មានពេលខ្លះដែលអ្នកត្រូវតែហ៊ានធ្វើការសម្រេចចិត្ត។ “ខ្ញុំមានការកោតសរសើរយ៉ាងខ្លាំងចំពោះ Real Madrid និងមិត្តរួមក្រុមទាំងអស់ដែលបានធ្វើឱ្យខ្ញុំមានភាពល្អប្រសើរកន្លងមក។ យើងមានប្រវត្តិរួមមួយដែលបានបន្សល់ទុកការចងចាំរបស់យើង។ ប៉ុន្តែមានរឿងជាច្រើនដែលយើងមិនគ្រប់គ្រងបាន។ ខ្ញុំបានជឿទុកចិត្តលើព្រះដែលបានដឹកនាំខ្ញុំឆ្ពោះទៅរកច្រកចេញពី Real Madrid ៕
Bong I.T