អេស្ប៉ាញ៖ អ្នកចាត់ការទូទៅក្លិបអធិរាជ Real Madrid បានបង្ហាញពីអារម្មណ៍ផ្ទាល់របស់លោកថា លោកចង់ឃើញកីឡាករពីររូបបន្តលេងនៅ La Liga គឺ កីឡាករសញ្ជាតិអេស្ប៉ាញ Sergio Ramos និង កីឡាករសញ្ជាតិអាហ្សង់ទីន Lionel Messi ។
ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័សកីឡាករខ្សែប្រយុទ្ធ Lionel Messi របស់ក្រុមអ្នកមានបុណ្យ FC Barcelona និង កីឡាករខ្សែការពារ Sergio Ramos របស់ក្រុមអធិរាជស Real Madrid កំពុងតែឈានដល់ទីបញ្ជប់នៃកិច្ចសន្យារៀងៗខ្លួនហើយ ដែលកីឡាករ Lionel Messi ត្រូវបានគេដឹងថាមានការចាប់អារម្មណ៍ពីក្លិបមេឃខៀវ Manchester City ចំណែកឯ Sergio Ramos វិញអាចនឹងត្រូវបានផ្ទេរទៅក្លិបបិសាចក្រហម Manchester United នៅចុងបញ្ជប់រដូវកាលនេះ។
គ្រូបង្វឹកសញ្ជាតិបារាំង លោក Zidane បាននិយាយនៅពេលដែលត្រូវបានសួរថាតើ Ramos បានចូលរួមក្នុងជំនួបចុងក្រោយជាមួយ Barca ឬអត់ ខណៈដែលខ្សែការពារវ័យ ៣៥ ឆ្នាំរូបនេះបានអង្គុយនៅកៅអីបម្រុងនៅក្នុងការប្រកួតជាមួយក្រុម Blaugrana កាលពីថ្ងៃសៅរ៍ដោយសារបញ្ហារបួស។ គាត់នឹងមិនអាចលេងបានទេនៅថ្ងៃស្អែកហើយនោះគឺជាការអាម៉ាស់មួយ ប៉ុន្តែខ្ញុំសង្ឃឹមថាគាត់នឹងនៅទីនេះ។ ចំណេកឯ Messi វិញ លោក Zidane បាននិយាយថា គាត់គួរតែស្នាក់នៅ Barcelona បន្តទៀត ព្រោះគាត់សប្បាយចិត្តនៅទីនោះ។ វាក៏ល្អសម្រាប់ក្របខណ្ឌ La Liga ដែរ ហើយខ្ញុំចង់ឃើញរូបគេទាំងពីរលេងនៅក្នុង El Clasico ជាមួយគ្នាច្រើនដងទៀត៕