អង់គ្លេស៖ យោងតាមការរាយការណ៍ ក្លិបហង្សក្រហម Liverpool កំពុងតាមសម្លឹងមើល ខ្សែបម្រើ Ryan Gravenverch មកជំនួសខ្សែបម្រើ Georginio Wijnaldum ដែលអាចនឹងចាកចេញពីក្លិបក្រោយចប់រដូវកាលនេះ។
ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័សប៉ុន្តែមិនមែនមានតែ Liverpool នោះឡើយដែលចង់បានកីឡាករសញ្ជាតិហូឡង់រូបនេះព្រោះ ក្លិបតោខៀវ Chelsea និង Manchester City ក៏កំពុងចង់បានគេដែរ។
Ryan Gravenberg លេងនៅក្លិប AFC Ajax នៅពេលបច្ចុប្បន្ននេះ និងបានក្លាយជាកីឡាករឆ្នើមម្នាក់ប្រចាំក្រុមទាំងដែលមានវ័យត្រឹមតែ១៨ឆ្នាំ ហើយបានចូលលេងឲ្យក្រុមជម្រើសជាតិហូឡង់បានបីដងមកហើយ។
នៅរដូវកាលនេះ គេចូលលេងបាន៣៦ដង និងស៊ុតបញ្ចូលទីបាន៤គ្រាប់ព្រមទាំងបញ្ជូនបាល់៦គ្រាប់ទៀត ទើបគេក្លាយជាគោលដៅគួរឲ្យចាប់អារម្មណ៍សម្រាប់ក្លិបធំៗនៅ Premier League អស់ទាំងនោះ។
យ៉ាងណាមិញ Gravenberg ទើបតែបន្តកុងត្រាថ្មីកាលពីឆ្នាំមុនហើយបើសិន Liverpool ចង់បានគេគឺអាចនឹងត្រូវចាយលុយប្រមាណ ៣០លានផោន (ស្មើនឹងប្រមាណ៤១.២លានដុល្លារអាមេរិក)។
កន្លងមក Liverpool ព្យាយាមបញ្ចុះបញ្ចូលឲ្យខ្សែបម្រើ Georginio Wijnaldum បន្តកុងត្រាថ្មីជាមួយក្លិបប៉ុន្តែកីឡាកររូបនេះទំនងជាចង់ចាកចេញហើយទិសដៅរបស់គេអាចជាក្លិបអ្នកមានបុណ្យ Barcelona ៕
ប្រភព៖ metro