មនុស្សម្នាក់ៗ តែចង់បាននូវរឿងគ្រប់យ៉ាងឲ្យសមបំណងរបស់ខ្លួនឯងហើយ មិនដែលបានគិតដល់ទេថា ការចង់បានរបស់ខ្លួនវាអាចទៅរួចដរាបណាមានការផ្តល់ឲ្យជាមុនសិន។ ដូចនេះខាងក្រោមជារឿង ៤ យ៉ាងអ្នកតែងតែចង់បានអ្វីពីមនុស្សជុំវិញខ្លួនអ្នក៖
ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័សទី១. ចង់ឱ្យគេស្មោះត្រង់ជាមួយខ្លួន
ភាពស្មោះត្រង់ជារឿងសំខាន់បំផុតមិនថាអ្នកណា!ៗទេ តែងតែចង់បានវាគ្រប់គ្នាតែម្តង។ ក៏ប៉ុន្តែពេលខ្លះមនុស្សបែរជាអត្មានិយម ចង់បានភាពស្មោះត្រង់ពីគេគ្រប់គ្នា ប៉ុន្តែខ្លួនបែរជាក្បត់គេ នៅពីក្រោយខ្នងទៅវិញ។ បើបែបនេះ កុំសង្ឃឹមអីថាអាចទទួលបានភាពស្មោះត្រង់នោះ ពីព្រោះអ្នកមិនសមនិងទទួលបានវានោះទេ។
ទី២. ចង់ឱ្យគេស្រឡាញ់ខ្លួន
ការស្រលាញ់ដែលអាចមានសុភមង្គលបាន លុះត្រាវាមានទៅវិញទៅមក បើអ្នកមិនមានចិត្តស្រលាញ់គេពិតប្រាកដផងនោះ មិចក៏ចង់បានក្តីស្រលាញ់គេធ្វើអី? កុំគិតអី ពីព្រោះថាអ្នកអាចទទួលបានការស្រលាញ់ដ៏ល្អនោះទេបើសិនអ្នកតែងតែទាមទារតែមិនព្រមផ្តល់អោយបែបនេះ។
ទី៣. ចង់ឱ្យគេធ្វើល្អជាមួយខ្លួន
ការធ្វើទង្វើល្អ វាជាការយកចិត្តទុកដាក់ ហើយក៏ជាអ្វីដែលអ្នកណាក៏ចង់ទទួលបានពីមនុស្សដែលនៅជិតស្និទ ឬ ស្និទស្នាលនឹងខ្លួនគេតែម្តង ក៏ប៉ុន្តែខ្លួនគេវិញ បែរជាមិនដែលធ្វើល្អជាមួយគេផង បើអ៊ីចឹងៗអីវាមានក្តីសុខទេ?
ទី៤. ចង់ឱ្យគេគោរពខ្លួន
ការគារព ជាការឲ្យតម្លៃ មនុស្សគ្រប់រូបតែងតែចង់ឲ្យគេគារពខ្លួន ក៏ប៉ុន្តែខ្លួនឯងវិញមិនដែលគោរពគេ ឬឲ្យតម្លៃគេនោះទេ។ បើអ្នកពិតជាបែបនោះមែន គួរពិចារណាពីខ្លួនឯងជាថ្មីហើយណា។
សរុបមក គ្រប់យ៉ាងគឺចាប់ផ្តើមពីខ្លួនយើងមុន យើងត្រូវរៀនធ្វើជាមនុស្សដែលផ្តល់ឱ្យគេគ្រប់គ្នានូវអី្វដែលយើងចង់បានជាមុន កុំចាំតែទទួលពីគេអី៕