មកមើលរូបប៉ុន្មានសន្លឹករបស់ក្រុមនារីជើងចាស់ KARA ក្នុងការប្រារព្ធខួប ១៤ឆ្នាំរបស់ក្រុម

កូរ៉េខាងត្បូង៖ ជឿជាក់ថាប្រិយមិត្តភាគច្រើន ជាពិសេសអ្នកគាំទ្រវិស័យចម្រៀង K-POP កាលពីជំនាន់មុនតែម្តងប្រាកដជាស្គាល់ច្បាស់នៅក្រុមចម្រៀងនារី KARA ដែលមានសមាជិកដើម៥នាក់ សុទ្ធសឹងតែជាស្រីស្អាតនោះ។ បទល្បីៗរបស់ពួកគេជាច្រើនមានដូចជា Lupin Wanna Mr និងបទចម្រៀងជាច្រើនទៀតដែលទទួលបានការគាំទ្រយ៉ាងខ្លាំងមិនថានៅក្នុងឬក្រៅប្រទេស។

ថ្មីៗនេះផងដែរពួកគេត្រូវបានអ្នកគាំទ្រប្រទះឃើញនៅជុំគ្នា ក្នុងគោលបំណងដើម្បីប្រារព្ធពីធីខួបលើកទី១៤របស់ក្រុមរបស់ខ្លួន។ សមាជិករបស់ KARA ដែលបានចូលរួមមានដូចជា÷ Gyuri Seungyeon Nicole និង Jiyoung។ បន្ទាប់ពីពួកគេទាំង៤បានបង្ហោះរូបជុំគ្នានៅក្នុងគណនី Instagram ក៏មានអ្នកគាំទ្រមួយចំនួនបានចូលទៅបញ្ចេញមតិទាក់ទងនឹងសមាជិកម្នាក់ទៀតដែលមិនបានចូលរួមនោះគឺ Hara (មូលហេតុដោយសារនាងបានលាចាកលោកបាត់ទៅហើយ)។ 

បន្ទាប់ពីបានឃើញដូច្នេះ Gyuri ដែលជាមេក្រុមរបស់ KARA ក៏បានចូលទៅឆ្លើយតបវិញថា ពួកយើងគួរតែសន្មតថា Hara មិនបានចូលរួមជាមួយពួកយើងដោយសារបញ្ហគម្លាតសង្គម (Corona virus)៕

សូមទស្សនារូបភាពខាងក្រោម៖