សារព័ត៌មាន Koreaboo បានឲ្យដឹងថា តួអង្គសំខាន់នៅក្នុងរឿង Crash Landing On You មួយគូទៀតហើយបានទាក់ទងគ្នា ក្រោយពីបានសហការសំដែងរឿងនេះជាគូនឹងគ្នា។ នៅក្នុងនោះ Dispatch ក៏បានបង្ហាញពីអត្តសញ្ញាណរបស់ពួកគេទាំងពីរដែលមានរូបភាពដើរនៅកន្លែងចំណតរថយន្ដមួយ ដែលជាបង្ហាញឲ្យច្បាស់ថាជា Kim Jung Hyun និង Seo Ji Hye។
ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័សនៅក្នុងនោះ ប្រភពដដែលក៏បានបង្ហាញថា ពួកគេបានទាក់ទងគ្នានេះដោយស្ងាត់ៗអស់រយៈពេលជាង ១ ឆ្នាំមកហើយ ដោយកាលពីឆ្នាំ ២០២០ Kim Jung Hyun បានផ្លាស់ប្ដូរផ្ទះរបស់គេទៅកាន់អគារមួយផ្សេងទៀត ដែលមានចំងាយត្រឹមតែ ១០ នាទីប៉ុណ្ណោះ ពីផ្ទះរបស់ Seo Ji Hye។ ជាពិសេសនោះគឺ អ្នកទាំងពីរភាគច្រើនណាត់ជួបគ្នានៅផ្ទះជាជាងទៅក្រៅជួបគ្នា ដែលនេះអាចមកពីមិនចង់ឲ្យអ្នកដទៃដឹងពីទំនាក់ទំនងរបស់ពួកគេ ឬបញ្ហាកូវីដ១៩ ដើម្បីការពារការឆ្លងក៏ថាបាន។
គួរបញ្ជាក់ថា រឿង Crash Landing On You ជាប្រភេទរឿងកូរ៉េភាគមួយ ដែលទទួលបាននូវការគាំទ្រយ៉ាងខ្លាំង ហើយនៅចុងបញ្ចប់ក៏បង្កើនជាបរិយាកាសរីករាយ។ នៅក្នុងនោះ តួឯកក្នុងរឿងនេះទាំងពីរ ក៏បានប្រកាសថាបានទាក់ទងគ្នាដែរ ឥឡូវមកតួសំខាន់មួយគូទៀត៕
សូមទស្សនារូបភាពនៃការថតពីសកម្មរបស់ពួកគេទាំងពីរខាងក្រោម៖