ថៃ៖ មហាជនប្រាកដជាបានស្គាល់ជាក់ជាមិនខានថា Mac គឺជាតារាសម្ដែងប្រុសវ័យក្មេងរូបសង្ហាម្នាក់ដ៏មានប្រជាប្រិយភាពនិងទេពកោសល្យក្នុងការសម្ដែងរឿងជាច្រើននៅក្នុងរង្វង់សិល្បៈ។ ហើយពេលបច្ចុប្បន្ននេះ លោកក៏មានទំនាក់ទំនងស្នេហាយ៉ាងស្អិតរមួតជាមួយនារីវ័យក្មេងដ៏ស្រស់ស្អាតម្នាក់គឺ Dhaidai។
ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័ស
នៅក្នុងរយៈពេលថ្មីៗកន្លងទៅនេះ Mac បានធ្វើការបង្ហាញពីអារម្មណ៍របស់លោកទៅកាន់សង្សារខ្លួននូវទំនាក់ទំនងដែលមានវ័យខុសគ្នារហូតទៅដល់៨ឆ្នាំគឺនាងមានអាយុតិចជាង Mac ។ ក្នុងនោះ Mac បានរៀបរាប់ថាៈ
សម្រាប់ខ្ញុំស្នេហាមួយនេះវាពិតជាផ្អែមល្ហែមសម្រាប់ខ្ញុំ និងជាស្នេហ៍ពិតដែលមានបំណងរៀបការរួមរស់ជាមួយគ្នាទៅថ្ងែអនាគត ទោះបីជានាងមានអាយុតិចជាងខ្ញុំច្រើនក៏ពិតមែន តែពួកយើងចុះសម្រុងគ្នាណាស់ព្រោះមនុស្សខ្ញុំមិនតឹងតែងពេក ហើយពេលខ្លះខ្ញុំមានអារម្មណ៍ថាខ្លួនឯងនៅតែចេះលេងសើចដូចជាក្មេង និងពេលខ្លះខ្ញុំចំណាយពេលនៅជាមួយមិត្តភក្តិរបស់នាងច្រើនជាងមិត្តរបស់ខ្ញុំទៅទៀត។ ហើយសម្រាប់ការងាររបស់នាងគឺជាអ្នកថតម៉ូតឱ្យក្រុមហ៊ុនផ្សេងៗ ដូច្នេះពេលខ្លះតម្រូវឱ្យនាងស្លៀកពាក់រាងស៉ិចស៊ីបន្តិច ចំនុចនេះខ្ញុំក៏បានគិតដែរតែក៏ត្រូវតែយល់ថាវាជាអាជីពរបស់នាង ណាមួយនាងក៏មានគំនិតចាស់ទុំច្រើនហើយ នាងដឹងថាអ្វីដែលគួរធ្វើ និងអ្វីដែលមិនគួរធ្វើ៕
Bong I.T