ផ្អើលទាំងអ្នកលក់ ទាំងអ្នកទិញ ក្រោយសត្វត្រកួតធំមួយក្បាល ឆ្មក់ចូលក្នុងហាងមួយកន្លែង ដើម្បីរកចំណីស៊ី (មានវីដេអូ)

ថៃ៖ នាពេលថ្មីៗនេះ សត្វត្រកួតដ៏ធំមួយក្បាលប្រវែង ១.៨ម៉ែត្រ បានបង្កការភ្ញាក់ផ្អើលយ៉ាងខ្លាំងដល់បុគ្គលិក និងអតិថិជន បន្ទាប់ពីវាបានផុសចេញពីប្រឡាយ ហើយឆ្មក់ចូលទៅរកចំណីស៊ីនៅក្នុងហាង 7-Eleven ដែលមានទីតាំងស្ថិតក្នុងខេត្ដ Nakhon Pathom នៃប្រទេសថៃ។

សកម្មភាពនៃហេតុការណ៍ខាងលើ ត្រូវគេថតបានកាលពីថ្ងៃអង្គារ ទី០៦ ខែមេសាកន្លងទៅ ដែលបង្ហាញឲ្យឃើញ សត្វល្មូនដ៏ធំនោះ ហាក់មានបំណងចង់បើកទ្វារទូរកញ្ចក់ តែដោយសារវាមិនអាចបើកបាន វាក៏ប្ដូរទិសដៅតោងឡើងធ្នើរទំនិញវិញម្ដង ដែលបណ្ដាលឲ្យទំនិញជាច្រើនធ្លាក់រប៉ាត់រប៉ាយពេញឥដ្ឋ។

អតិថិជនដែលមានការតក់ស្លុតម្នាក់ បាននិយាយថា៖

យ៉ាងណាមិញ មិនយូរប៉ុន្មានក្រុមអ្នកជួយសង្គ្រោះបានមកដល់ហាងនៅជាយក្រុងមួយនេះភ្លាម ហើយបានអូសសត្វត្រកួតចេញក្រៅ មុនយកវាទៅព្រលែងក្នុងព្រៃមួយកន្លែងក្បែរនោះ៕

សូមទស្សនារូបភាព និងវីដេអូខាងក្រោម៖

• វីដេអូ
• រូបភាព