តារា Kpop វ័យក្មេង ៣រូប បានបង្ហាញពីអារម្មណ៍ពិតរបស់ពួកគេទៅកាន់មេក្រុម BTS យ៉ាងចាក់ដោត

កូរ៉េខាងត្បូង៖ Kim Namjoon ដែលមានឈ្មោះនៅក្នុងវិស័យ Kpop ថា Rap Monster ឬ RM ជាមេក្រុម ​BTS នោះបានធ្វើឲ្យមហាជនជាច្រើន​ មានការកោតសសើរយ៉ាងខ្លាំងចំពោះសមត្ថភាព និងភាពវ័យឆ្លាតរបស់លោកនៅក្នុងការដឹកនាំក្រុមមួយរហូតទទួលបាននូវជោគជ័យដូចបច្ចុប្បន្ន ដែលបុគ្គលជាច្រើនបានចាត់ទុកមេក្រុមរូបនេះ ជានិមិត្តរូបរបស់ពួកគេផងដែរ។ 

នៅក្នុងនោះ មានតារា Kpop វ័យក្មេង ៣ ដែលបានធ្វើការបង្ហាញពីអារម្មណ៍ពិតរបស់ពួកគេចំពោះ RM មានដូចជា៖

១. Bang Chan 

Bang Chan ជាតារា Kpop វ័យក្មេងមួយរូប ហើយក៏ជាមេក្រុម Stray Kids ផងដែរ។ នៅក្នុងបទសម្ភាសន៍មួយ Bang Chan បាននិយាយសរសើរពី RM យ៉ាងខ្លាំង ជាពិសេសតារាមួយរូបនេះបានលើកឡើងអំពីភាពជាអ្នកដឹកនាំរបស់ RM តែម្ដង។ មួយវិញទៀត មេក្រុម Stray Kids រូបនេះក៏បាននិយាយយ៉ាងចាក់ដោតមួយថា " RM ជាមេក្រុមដ៏ពូកែម្នាក់ ហើយគាត់ក៏បានចាត់ទុក RM ជា Idol ម្នាក់ផងដែរ"។ 

២. Jungwon 

Jungwon ជាសមាជិកនៅក្នុងក្រុម​ ENHYPEN បានបង្ហាញពីអារម្មណ៍ផ្ទាល់ខ្លួនមួយទៅកាន់ RM ថា "វាជាការលំបាកខ្លាំងណាស់សម្រាប់លោកនៅក្នុងការដឹកនាំក្រុមមួយ តែលោកក៏មានមោទនភាពណាស់ ដែលសមាជិកជឿជាក់លើលោក។​ នៅក្នុងការដឹកនាំក្រុម ENHYPEN ឲ្យបានល្អ លោកតែងតែមើល RM ជាគំរូជានិច្ច ព្រោះរបៀបនៃការដោះស្រាយរបស់ RM នៅក្នុងក្រុមមើលទៅពិតជាអស្ចារ្យណាស់"។ 

៣. Jungkook 

ម្ដងនេះគឺសមាជិកក្រុមរបស់ខ្លួនតែម្ដង គឺ Jungkook បាននិយាយថា RM ជាមេក្រុមដ៏ពូកែម្នាក់ ហើយលោកមិនដឹងជាមានអ្វីអាចបរិយាយពីភាពខ្លាំងរបស់ RM នោះទេ គ្រាន់តែលោកដឹងថា លោកបានចាត់ទុក RM ជានិមិត្តមួយរូបនៅក្នុងការងារ៕