អង់គ្លេស៖ លោកគ្រូបង្វឹក Thomas Tuchel នៃក្លិបតោខៀវ Chelsea បានបង្ហើបប្រាប់ថា ខ្សែប្រយុទ្ធ Timo Werner និងខ្សែបម្រើ Kai Havertz លេងមិនសូវបានល្អទេក្នុងការប្រកួតទល់នឹង Porto នៅវគ្គ៨ក្រុមពាន Champions League ជើងទី១យប់មិញ។
ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័ស
Chelsea បានយកឈ្នះ Porto ២ ទល់នឹង ០ នៅឯកីឡដ្ឋាន Ramon Sanchez Pizjuan ដោយ ២គ្រាប់នោះរកបានដោយខ្សែបម្រើ Mason Mount នៅនាទីទី៣៥ និង Ben Chilwell នៅនាទីទី៨២ ។
យ៉ាងណាមិញក្នុងការប្រកួតនេះគេសង្កេតឃើញថាលោកគ្រូបានប្ដូរ Werner និង Havertz ចេញនៅតង់ទី២ ដោយលោកគ្រូបានឲ្យហេតុផលថាមកពីពួកគេលេងមិនសូវត្រូវជើងនឹងក្រុមនិងលេងមិនបានល្អ។
លោកគ្រូ Tuchel បានផ្ដល់បទសម្ភាសន៍ក្រោយចប់ការប្រកួតថា៖
ខ្ញុំព្រមទទួលថាវាមើលទៅជាការប្រកួតដ៏លំបាកមួយសម្រាប់ Timo និង Kai នៅថ្ងៃនេះ។ពួកគេលេងមិនបានល្អទេ។ ការបញ្ជូនបាល់និងទំនាក់ទំនងរវាងតំបន់ប្រយុទ្ធជាមួយតំបន់បម្រើនិងការពារមិនសូវមាននោះឡើយ ហើយពួកគេក៏បញ្ជូនបាល់ឲ្យគ្នាមិនសូវបានល្អដែរ។ ហើយខ្ញុំមានអារម្មណ៍ថា Kai និង Timo មិនបានលេងឲ្យល្អដូចអ្វីដែលពួកគេធ្លាប់បង្ហាញចេញឡើយអ៊ីចឹងហើយទើបខ្ញុំឲ្យពួកគេអង្គុយកៅអីបម្រុងវិញ។
Timo Werner ត្រូវបានប្ដូរចេញជំនួសដោយ Christian Pulisic ខណៈ Kai Havertz គឺប្ដូរចេញជំនួសវិញដោយ Olivier Giroud ។
គួរបញ្ជាក់ផងដែរថាការប្រកួតជើងទី២រវាង Chelsea និង Porto នឹងធ្វើឡើងនៅថ្ងៃទី១៤ ខែមេសា ឆ្នាំ២០២០វេលាម៉ោង២យប់ផងដែរ៕
សូមទស្សនាវីដេអូនៃការប្រកួតខាងក្រោមនេះ៖
ប្រភព៖ metro
Bong I.T