អង្គការ WHO បញ្ជាក់ថា វ៉ាក់សាំងកូវីដ-១៩ របស់ AstraZeneca មានប្រសិទ្ធិភាពច្រើនជាងហានិភ័យ។ នេះបើតាមការវាយតម្លៃលើទិន្នន័យចុងក្រោយ។
ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័សកាលពីថ្ងៃអង្គារកន្លងទៅអង្គការសុខភាពពិភពលោក (WHO) តាមរយៈមន្ត្រីជាន់ខ្ពស់មួយរូប បានបញ្ជាក់ថា WHO រំពឹងថា នឹងគ្មានហេតុផលណាមួយរួមចំណែកក្នុងការផ្លាស់ប្តូរលើការវាយតម្លៃរបស់ខ្លួនលើហានិភ័យនៃវ៉ាក់សាំងបង្ការជំងឺកូវីដ១៩របស់ក្រុមហ៊ុនអង់គ្លេស AstraZeneca ខ្ពស់ជាងអត្ថប្រយោជន៍នោះឡើយ។
លោក Rogerio Gaspa បាននិយាយថា WHO កំពុងសិក្សាយ៉ាងយកចិត្តទុកដាក់ និងដិតដល់បំផុតនូវទិន្នន័យចុងក្រោយបំផុត រួមសហការជាមួយនិយ័តករអឺរ៉ុប និងប្រទេសផ្សេងទៀត ដោយផ្អែកលើរបាយការណ៍អំពីកំណកឈាម នៅក្នុងចំណោមអ្នកដែលបានចាក់វ៉ាក់សាំង។
មន្រ្តីជាន់ខ្ពស់មួយរូបនៃនិយ័យករឱសថអឺរ៉ុបបានបញ្ជាក់ថា ទោះបីជាមូលហេតុនៃកំណកឈាមនៅមិនទាន់ដឹងនៅឡើយក៏ពិតមែន តែមានការផ្សារភ្ជាប់គ្នាយ៉ាងច្បាស់រវាងវ៉ាក់សាំង AstraZeneca និងការកកឈាមដ៏កម្រនៅក្នុងខួរក្បាល។
លោក Marco Cavaleri ដែលជាប្រធានក្រុមវាយតម្លៃវ៉ាក់សាំងរបស់ទីភ្នាក់ងារវេជ្ជសាស្រ្តអឺរ៉ុប (EMA) ថា ខ្លួននៅតែកំពុងធ្វើការពិនិត្យទៅលើវ៉ាក់សាំង ហើយរំពឹងថា នឹងប្រកាសពីការរកឃើញរបស់ខ្លួននៅថ្ងៃពុធ ឬក៏ថ្ងៃព្រហស្បតិ៍សប្តាហ៍នេះ៕
Bong I.T