ប្រធានាធិបតីរុស្ស៊ីរូបនេះ នឹងកាន់តំណែងរហូត​ដល់ឆ្នាំ​២០៣៦​ខាងមុខ ក្រោមច្បាប់ថ្មីមួយ

រុស្ស៊ី៖ កាលពីថ្ងៃចន្ទកន្លងទៅ លោកប្រធានាធិបតីរុស្ស៊ី Vladimir Putin បានចុះហត្ថលេខា​លើច្បាប់​មួយដែល​ព័ត៌មាន​នេះ​ត្រូវបានបង្ហោះនៅលើគេហទំព័ររដ្ឋាភិបាលរុស្ស៊ី។ ច្បាប់ដែលលោកបានចុះហត្ថលេខាខាងលើ អាចឱ្យរូប​លោក​អាចកាន់តំណែងនៅវិមានក្រឹមឡាំងរហូតដល់ឆ្នាំ២០៣៦ខាងមុខ។

យោងទៅតាមច្បាប់ថ្មីនេះ លោក ពូទីន នឹងបន្តកាន់តំណែងប្រធានាធិបតី២អាណត្តិទៀត ដែលក្នុងមួយ​អាណត្តិ​មានរយៈពេល៦ឆ្នាំ។ យ៉ាងណាមិញអាណត្តិបច្ចុប្បន្នរបស់លោកនឹងត្រូវចប់នៅចុងឆ្នាំ២០២៤ខាងមុខ ហើយច្បាប់​ថ្មីនេះ​ធ្វើតាមការផ្លាស់ប្តូររដ្ឋធម្មនុញ្ញកាលពីឆ្នាំមុន។

ច្បាស់ខាងលើត្រូវបានបោះឆ្នោតគាំទ្រជាសាធារណៈមួយកាលពីរដូវក្តៅឆ្នាំមុន និងអាចអនុញ្ញាតឱ្យលោក Vladimir Putin កាន់អំណាចរហូតដល់អាយុ៨៣ឆ្នាំ ខណៈលោកមានអាយុ៦៨ឆ្នាំ ។ ប្រសិនបើលោកអាចកាន់តំណែងបាន​ ២អាណត្តិ​តាមច្បាប់ថ្មីទៀតនោះ មានន័យថាលោកនឹងកាន់តំណែងប្រធានាធិបតីរុស្ស៊ី៦អាណត្តិ៕