Baifern ទ្រាំលែងបាន បង្ខំចិត្តស្រាយចម្ងល់យ៉ាងច្បាស់ៗពីទំនាក់ទំនងជាមួយ Nine Naphat

ថៃ៖ ក្រោយពីតារាសម្តែងប្រុសស្រីដ៏ល្បីឈ្មោះគួបជាមួយសម្រស់ទាក់ទាញ Baifern Pimchanok និង Nine Naphat បានរួមការងារជាមួយគ្នារួចមក ធ្វើឲ្យអ្នកគាំទ្រ និងទស្សនិកជនជាច្រើនបានផ្ទុះការចាប់អារម្មណ៍ចំពោះអ្នកទាំងពីរយ៉ាងព្រោងព្រាត និងគ្រប់ទិសទីតែម្តង។

ដោយឡែកស្រាប់តែថ្មីៗនេះ Baifern ក៏បានចេញមុខជម្រាបដល់មហាជនថា រវាងនាងនិងលោក Nine Naphat គឺជាមិត្តភក្តិជិតស្និទ្ធិនឹងគ្នា ហើយតែងតែជួយយកអាសាគ្នាទៅវិញទៅមក សូម្បីតែម្តាយរបស់លោកក៏មានស្និទ្ធិស្នាលជាមួយនាងដែរ។ ហើយមិនតែប៉ុណ្ណោះ Baifern ក៏បានសង្កត់ធ្ងន់ៗថា បច្ចុប្បន្ននេះនាងនៅ Single បេះដូងនៅទំនេរស្អាតមិនទាន់មានអ្នកមើលថែឡើយ។  

គួររំឮកថាចាប់តាំង Baifern និង Nine ដើរតួសម្តែងជាមួយគ្នានៅក្នុងរឿង «Friend Zone» ធ្វើឲ្យមិត្តអ្នកគាំទ្រនាំគ្នាផ្គូផ្គងឲ្យអ្នកទាំងពីរក្លាយជាគូស្នេហ៍ស្រលាញ់ពិតៗដូចគូតារាថៃប្រុសស្រីដទៃទៀតផងដែរ៕

សូមទស្សនារូបភាពខាងក្រោមនេះ​ ៖