មិនមែនទាក់ទាញតែក្នុងរឿងទេ តែជីវិតក្រៅឆាករបស់តារាប្រុសរូបសង្ហាៗទាំង៥ នេះ ក៏មិនអន់ដែរ

ថៃ៖ ជឿជាក់ថាអ្នកគាំទ្រតារាថៃមួយចំនួន ប្រាកដជានៅចាំតារាសម្តែងប្រុសទាំង ៥ រូបខាងក្រោម។ បើនិយាយទៅទើបរំលងទើបបានប៉ុន្មានឆ្នាំសោះ តារាប្រុសទាំងនេះបានក្លាយជាឱពុកគេបាត់ទៅហើយ។

តោះចង់ដឹងថា តើតារាប្រុសរូបសង្ហាៗទាំង ៥ ជាតារារូបណាខ្លះ?

១. Ken Theeradeth

លោក Ken Theeradeth ជាតួឯកប្រុសដែលផ្ទុះគាំទ្រខ្លាំងកាលពីឆ្នាំ ២០១៨ ក្នុងរឿង «Sawan Biang» បានរៀបការសាងគ្រួសារជាមួយតារាស្រី Noi Bussakorn កាលពីឆ្នាំ ២០០៧ រហូតមកដល់ពេលនេះតារាប្រុសរូបសង្ហា Ken មានកូនប្រុសចំនួន ២ នាក់ហើយ។

២. Tik Jesdaporn

សម្រាប់តារាប្រុសល្បីឈ្មោះ Tik Jesdaporn បានភ្ជាប់ពាក្យកាលពីឆ្នាំ ២០០៩។ ហើយបច្ចុប្បន្ននេះលោកក៏មានកូនប្រុសចំនួន ២ នាក់ផងដែរ។

៣. Bie Thassapak

ឯ Bie Thassapak ក៏ជាតារាប្រុសសម្បូរប្រជាប្រិយភាពខ្លាំងមួយរូបផងដែរ ភាគច្រើនលោកលេចមុខសម្តែងនៅក្នុងប៉ុស្តិ៍ទូរទស្សន៍ចិន។ Bie បានរៀបមង្គលការកាលពីឆ្នាំ ២០១៦ ហើយពេលនេះលោកមានកូនស្រីដ៏គួរស្រលាញ់ចំនួន ២ នាក់។

៤. Matthew Deane

ចំណែក Matthew Deane បានភ្ជាប់ពាក្យជាមួយតារាស្រីម្នាក់ឈ្មោះ Lydia Sarunrat តាំងពីឆ្នាំ ២០១៥ ។ បច្ចុប្បន្នលោកទទួលបានកូនប្រុសអាយុ ៤ ឆ្នាំម្នាក់ និងកូនស្រីគួរឲ្យក្នាញ់អាយុ ១ ខួបម្នាក់។

៥. Poh Nattawut

ដោយឡែកតារាប្រុសវ័យ ៤៦ ឆ្នាំ Poh Nattawut បានរៀបការកាលពីឆ្នាំ ២០១២ ហើយបច្ចុប្បន្នលោកក្លាយជាឱពុករបស់កូនប្រុសចំនួន ២ នាក់ផង៕