កូរ៉េខាងត្បូង៖ សារព័ត៌មានរបស់ SPOTV បានឱ្យដឹងថា Jung Jiwoo ដែលត្រូវបានគេស្គាល់ថាជាបងស្រីរបស់តារាចម្រៀង J-Hope នៅក្នុងក្រុម BTS បានសម្រេចចិត្តហើយថានឹងរៀបចំពិធីមង្គលនៅក្នុងខែ ឧសភានេះ ដោយកូនកម្លោះគឺមិនមែនជាអ្នកសិល្ប: ហើយក៏មានអាយុច្រើនជាង Jung Jiwoo ទៀតផង។ ចំណែកគម្រោងនៃការរៀបការនេះគឺបាមរៀបចំឡើងតាំងពីឆ្នាំ ២០២០ មកម្ល៉េះ។ ក្រុមហ៊ុនដែលគ្រប់គ្រង Jung Jiwoo មានឈ្មោះថា Cube Entertainment បានចេញមុខមកបញ្ជាក់យ៉ាងច្បាស់ថា៖
"Jung Jiwoo នឹងរៀបការនៅក្នុងខែឧសភា"។ គួរបញ្ជាក់ផងដែរថា កាលពីខែ សីហា ឆ្នាំ ២០២០ Jung Jiwoo បានបង្ហោះនៅលើគណនីយអ៊ីនស្តាក្រាមរបស់ខ្លួន ថាខ្លួននឹងក្លាយជាកូនក្រមុំនៅរដូវស្លឹកឈើជ្រុះឆ្នាំ ២០២១ នេះ។ ហើយក៏បានចែករំលែករូបថតដែលខ្លួនបានពាក់រ៉ូបរៀបការនៅលើគណនីយនោះផងដែរ ដែលធ្វើឱ្យអ្នកគាំទ្រនាំគ្នាទាយទុកអំពីការរៀបការនោះថា ប្រហែលជាមកដល់ឆាប់ៗនេះហើយ ហើយថ្មីៗនេះ Jung Jiwoo ក៏ទើបតែបានចុះកុងត្រាជាមួយនឹងក្រុមហ៊ុន Cube Entertainment ផងដែរ៕