ភ្នំពេញ៖ នៅថ្ងៃទី០៥ ខែមេសា ឆ្នាំ២០២១ ក្រសួងសុខាភិបាលកម្ពុជាបានចេញសេចក្តីប្រកាសព័ត៌មានស្តីពីលទ្ធផលនៃការករណីវិជ្ជមានវីរុសកូវីដ-១៩ ដែលបានរកឃើញកាលពីម្សិលមិញថ្ងៃទី០៤ ខែមេសា ឆ្នាំ២០២១។ ក្នុងសេចក្តីប្រកាសព័ត៌មានរបស់ក្រសួងបានបញ្ជាក់ឲ្យដឹងថា ក្រសួងបានរកឃើញករណីឆ្លងថ្មីចំនួន ៦៣នាក់ និងមានករណីជាសះស្បើយចំនួន ៩៤នាក់ផងដែរ។
ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័សសេចក្តីប្រកាសដដែលបានបញ្ជាក់ថា កម្ពុជាបានរកឃើញករណីឆ្លងក្នុងសហគមន៍២០កុម្ភៈ សរុបចំនួន ២២២២នាក់ ស្រ្តី ១០៨៧នាក់ ប្រុស ១១៣៥នាក់ ហើយចំនួនអ្នកស្លាប់ដោយសារជំងឺនេះបានកើនឡើងដល់ ២១នាក់ ស្រ្តី១១នាក់ និងប្រុស ១០នាក់។
គួររំឭកថា កម្ពុជាចាប់ផ្តើមផ្ទុះការឆ្លងវីរុសកូវីដ-១៩ នៅក្នុងសហគមន៍ជាថ្មីកាលពីយប់ថ្ងៃទី១៩ ខែកុម្ភៈ ឆ្នាំ២០២១ ដែលរដ្ឋាភិបាលបានដាក់ឈ្មោះថា ព្រឹត្តិការណ៍សហគមន៍២០កុម្ភៈ៕
សូមអានព័ត៌មានពិស្តារក្នុងសេចក្តីប្រកាសព័ត៌មានខាងក្រោម៖