YoonA ត្រូវបណ្តាអ្នកលេងអ៊ីនធើណែតចាត់ទុកថាជាអ្នកចាប់ផ្តើមការមាន «Center position» មុនគេ

កូរ៉េខាងត្បូង៖ ស្រីស្អាត YoonA ដែលត្រូវមហាជនភាគច្រើនស្គាល់ថាជាតារាសម្តែងស្រីដ៏ឆ្នើម ក៏ដូចជាសមាជិករបស់ក្រុមនារី Girls' Generation ត្រូវបានបណ្តាអ្នកលេងអ៊ីនធើណែតជាច្រើនបានចាត់ទុកថានាងជាមនុស្សម្នាក់ដែលតំណាងឱ្យការមាន «Center position» នៅក្នុងវិស័យចម្រៀង K-POP ទាំងមូល។ 

«Center position» គឺសំដៅទៅលើសមាជិកម្នាក់ដែលតែងតែឈរនៅកណ្តាលគេភាគច្រើនតំណាងក្រុមទាំងមូលតែម្តង មិនថាទាំងក្នុង Music video ឬក៏នៅកម្មវិធីផ្សេងៗនោះទេ។ សមាជិកដែលមានមុខងារជា "Center position" ភាគច្រើនអាចជាសមាជិកដែលមានសម្រស់ស្អាតជាងគេ មានភាពល្បីល្បាញជាងគេ ក៏ដូចជាមានភាពទាក់ទាញខ្លាំងជាងគេផងដែរ ព្រោះអាចនិយាយបានថាមុខងារ "Center position" គឺវារាងពិបាកខ្លាំងណាស់ព្រោះវាទាមទារអោយយើងមានគ្រប់តម្រូវការទាំងអស់។

ជាក់ស្តែងដូចជា YoonA ក្រុម Girls' Generation ចាប់តាំងពីលេចមុខនៅឆ្នាំ២០០៧មក គឺភាគច្រើននាងតែងតែបានមុខងារក្នងការឈរនៅកណ្តាលគេតែម្តង មិនថានៅក្នុង music video ឬក៏ photoshoot ផ្សេងៗនោះទេ ដូច្នេះហើយប្រធានបទនៃការមាន "Center position" នៅត្រូវបានអ្នកលេងអ៊ីនធើណេតជាច្រើនផ្តោតសំខាន់ទៅលើ YoonA៕

ចង់ជ្រាបច្បាស់ សូមទស្សនារូបភាពខាងក្រោម៖

ប្រភព៖ YouTube