មីយ៉ាន់ម៉ា៖ នៅថ្ងៃសុក្រនេះរបរយោធាភូមាបានធ្វើការចោទប្រកាន់លោកស្រី Aung San Suu Kyi ពីបទល្មើសមួយបន្ថែមទៀតក្រោមច្បាប់ការពារកិច្ចការសម្ងាត់ជាតិ ដែលជាបទចោទប្រកាន់ធ្ងន់ធ្ងរចុងក្រោយបំផុតប្រឆាំងនឹងលោកស្រី។
ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័សមេធាវីរបស់លោកស្រីបានថ្លែងថា ក្រៅពីលោកស្រីក៏នៅមានមន្ត្រីជាន់ខ្ពស់ ៣នាក់ទៀតនៃរដ្ឋាភិបាលជាប់ឆ្នោតដែលត្រូវបានទម្លាក់ពីអំណាច ហើយត្រូវបានតុលាការរបបយោធាចោទប្រកាន់ថាបានបំពានច្បាប់ការពារកិច្ចការសម្ងាត់ជាតិផងដែរ។
គួររំឭកផងដែរថា បន្ទាប់ពីត្រូវបានទម្លាក់ពីអំណាច និងជាប់ឃុំខ្លួន លោកស្រីក៏ធ្លាប់ត្រូវបានរបបយោធាចោទប្រកាន់ពីបទល្មើសជាច្រើនផងដែររួមមាន ទទួលសំណូក ៦សែនដុល្លារ បំពានវិធានការទប់ស្កាត់កូវីដ-១៩ និងកាន់កាប់វិទ្យុទាក់ទងខុសច្បាប់។ ចំពោះបទចោទប្រកាន់ថ្មីនេះអាចឱ្យលោកស្រី Aung San Suu Kyi និងមន្ត្រីជាន់ខ្ពស់ទាំង ៣រូបខាងលើប្រឈមមុខជាប់ពន្ធនាគារដល់ទៅ ១៤ឆ្នាំ៕