រាជធានីភ្នំពេញ៖ ពិតជាត្រេកអរនិង ចូលរួមរំភើបអបអរជំនួស ដែលអូនតូចមានអាយុ៦ ឆ្នាំ បានជាសះស្បើយពីជំងឺកូវីដ១៩ ហើយ កាលពីម្សិលមិញ នេះបើតាមការបញ្ជាក់ឱ្យដឹងនៅផេកហ្វេសប៊ុកផ្លូវការរបស់អនុគណៈកម្មការស្រាវជ្រាវជំងឺកូវីដ១៩។
ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័សគួររំលឹកឡើងវិញថា ក្មេងប្រុសអាយុ៦ ឆ្នាំរូបនេះ ត្រូវបានក្រុមគ្រូពេទ្យនាំយកទៅព្យាបាលជំងឺកូវីដ១៩ នៅយប់ថ្ងៃទី១៩ ខែមីនា ឆ្នាំ២០២១ កន្លងទៅនេះ ដែលមានទីលំនៅនៅខណ្ឌ ឫស្សីកែវ រាជធានីភ្នំពេញ ដោយកុមារារូបនេះ បានឆ្លងពីអ្នកម្តាយរបស់ខ្លួនផ្ទាល់តែម្តង។
ដោយឡែក តាមការបញ្ជាក់របស់អនុគណៈកម្មការស្រាវជ្រាវជំងឺកូវីដ១៩ អូនតូច និង អ្នកម្តាយ ត្រូវបានក្រុមគ្រូពេទ្យអនុញ្ញាតឱ្យចាកចេញពីមន្ទីរពេទ្យហើយ៕