មីយ៉ាន់ម៉ា៖ កាលពីថ្ងៃពុធកន្លងទៅ យោធាភូមាបាននិយាយថា ខ្លួនកំពុងអនុវត្តបទឈប់បាញ់រយៈពេលមួយខែជាឯកតោភាគី ប៉ុន្តែលើកលែងចំពោះសកម្មភាពដែលរំខានដល់សន្តិសុខ និងប្រតិបត្តិការរបស់រដ្ឋាភិបាល។
ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័សយ៉ាងណាមិញ ការប្រកាសនេះត្រូវបានគេដឹងយ៉ាងច្បាស់ថា មិនមែនឈប់បង្ក្រាបដោយហិង្សាដែលកើតមានរាល់ថ្ងៃទូទាំងប្រទេសប្រឆាំងនឹងរដ្ឋប្រហារដែលធ្វើឱ្យមានមនុស្សស្លាប់នោះឡើយ។ ការប្រកាសបានកើតឡើងបន្ទាប់ពីក្រុមប្រដាប់អាវុធជនជាតិភាគតិចមួយចំនួនបានព្រមាន និងគំរាមដល់រដ្ឋាភិបាលយោធាភូមាថានឹងធ្វើការប្រយុទ្ធ ប្រសិនបើមិនឈប់សម្លាប់អ្នកតវ៉ាដែលជាជនស៊ីវិលគ្មានអាវុធក្នុងដៃ។
រដ្ឋាភិបាលយោធាភូមាបានកំពុងស្វែងរកសម្ព័ន្ធភាពជាមួយក្រុមជនជាតិភាគតិចដែលប្រដាប់ដោយអាវុធ ដែលបានដាក់សម្ពាធលើរដ្ឋាភិបាលយោធាដែលពួកគេហៅថា កងទ័ពសហព័ន្ធ។ យ៉ាងណាមិញ នៅមិនទាន់មានប្រតិកម្មនោះទេ ចំពោះការប្រកាសបទឈប់បាញ់គ្នាពីកម្លាំងជនជាតិភាគតិចប្រដាប់ដោយអាវុធ៕