MARCA ៖ ក្រុមសេះបង្កង់ Juventus បានក្លាយជាគោលដៅដែលទំនងបំផុតរបស់ Sergio Aguero នៅពេលដែលគាត់ចាកចេញពី Manchester City នៅរដូវក្តៅនេះ។
ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័សការប្រកាសរបស់ក្រុម Manchester City នៅល្ងាចថ្ងៃច័ន្ទនេះថាការស្នាក់នៅរបស់ Aguero រយៈពេល ១០ ឆ្នាំនៅ Manchester នឹងត្រូវបញ្ចប់នៅចុងបញ្ចប់នៃរដូវកាលនេះដែលមានន័យថាគាត់អាចចូលរួមជាមួយក្លិបណាមួយដោយឥតគិតថ្លៃ។
កាសែត La Gazzetta dello Sport បានរាយការណ៍ថាក្លឹបសេះបង្កង់ Juventus កំពុងនាំមុខក្នុងការប្រកួតប្រជែងដើម្បីចុះហត្ថលេខាលើខ្សែប្រយុទ្ធសញ្ជាតិអាហ្សង់ទីន បន្ទាប់ពីគ្រូបង្វឹកក្លឹប Barcelona លោក Ronald Koeman បានដាក់ការចាប់អារម្មណ៍ទៅលើខ្សែប្រយុទ្ធរបស់ក្លឹប Lyon កីឡាករ Memphis Depay ដែលហ្នឹងត្រូវផ្ទេរដោយឥតគិតថ្លៃផងដែរ ដែលជាគោលដៅចំបងរបស់គាត់។
ក្លឹបមកអ៊ីតាលីនេះកំពុងសម្លឹងរកការចុះហត្ថលេខាលើខ្សែប្រយុទ្ធកំពូលម្នាក់ដើម្បីពង្រឹងតំបន់ប្រយុទ្ធរបស់ពួកគេ ក្រោយទទួលបានលទ្ធផលមិនល្អប្រសើរនៅរដូវកាល ២០២០/២១ ។
ពួកគេបានកំណត់យក Aguero ដើម្បីលេងជាដៃគូរជាមួយ Cristiano Ronaldo និង Paulo Dybala ដែលប្រាកដនឹងក្លាយជាទម្រង់ប្រយុទ្ធដ៏ឆ្នើមមួយក្នុងពិភពលោក។
ទោះបីជាកិច្ចសន្យារបស់គាត់ ១៥ លានអឺរ៉ូក្នុងមួយឆ្នាំក៏ដោយក៏ក្រុម Juventus កំពុងស្វែងរកវិធីដើម្បីថ្លឹងថ្លែងហិរញ្ញវត្ថុរបស់ពួកគេដើម្បីសម្រួលដល់ការមកដល់របស់គាត់នៅ ដែលប្រាកដនឹងក្លាយជាកិច្ចព្រមព្រៀងដ៏សំខាន់មួយនៅរដូវក្តៅនេះ៕