អឺរ៉ុប៖ ក្រុមជម្រើសជាតិវែលស៍ ក្នុងនាមជាម្ចាស់ផ្ទះ បានបើកទ្វារកីឡដ្ឋាន Cardiff City Stadium ទទួលស្វាគមន៍ក្រុមភ្ញៀវ សាធារណរដ្ឋឆេក ក្នុងជំនួបជម្រុះ World Cup ឆ្នាំ២០២២ ពូល E កាលពីរាត្រីថ្ងៃអង្គារ ទី៣០ កន្លងទៅនេះ ។
ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័សបើមើលទៅលើស្ថិតិនៃការប្រកួត ឃើញថាក្រុមទាំងពីរ មានឱកាសប្រហាក់ប្រហែលគ្នា ពោលក្រុមម្ចាស់ផ្ទះ ស៊ុតសរុបបាន៥ជើង ចំគោលដៅ៣ដង សម្រេចទីបាន១គ្រាប់ ចំណែកឯក្រុមភ្ញៀវ ស៊ុតបាន៨ជើង ចំគោលដៅ៣ដង ដូចគ្នា ប៉ុន្តែមិនអាចបំប៉ោងសំណាញ់ទីក្រុមវែលស៍បាននោះទេ។
សម្រាប់១គ្រាប់ដ៏មានតម្លៃរបស់ក្រុមវែលស៍រកបានដោយខ្សែប្រយុទ្ធស្លាបកំពូលល្បឿន ដែលមកពីក្រុមបិសាចក្រហម Manchester United កីឡាករ Daniel James ដែលជាការតែតបុកដីបញ្ចូលទីយ៉ាងល្អនៅនាទីទី ៨២។
ហើយអ្វីដែលគួរឲ្យចាប់អារម្មណ៍ក្នុងការប្រកួតនេះ គឺក្រុមទាំងពីរសុទ្ធតែបាត់បង់សមាជិកម្នាក់ដូចគ្នា ដោយការពិន័យកាតក្រហមពីសំណាក់ អាជ្ញាកណ្ដាល ពោលសម្រាប់ក្រុមភ្ញៀវ សាធារណរដ្ឋ បានបាត់បង់កីឡាករ Patrik Schick នៅនាទីទី៤៩ ខណៈក្រុមវែលស៍ បានបាត់បង់ខ្សែបម្រើ Connor Roberts ក្រោយទទួលបានកាតលឿងជាលើកទី២ នៅនាទីទី៧៧។
គួរបញ្ជាក់ដែរថា ១គ្រាប់យក៣ពិន្ទុរបស់
James បានជួយក្រុមវែលស៍ ឡើងឈរលេខ៣ ក្នុងពូល E មាន៣ពិន្ទុ តាមពីក្រោយលេខ២ សាធារណរដ្ឋឆេក ១ពិន្ទុ និងក្រុមលេខ១ ប៊ែលស៊ិក
ដែលលត់ បេឡារុស យប់មិញ ៨-០ នោះ ចំនួន៤ពិន្ទុ៕
បើចង់ឃើញការតែតរបស់ James ល្អយ៉ាងណានោះ សូមទស្សនាវីដេអូខាងក្រោមនេះ៖